61
Mument ieħor ta’ talb kien waqt l-adorazzjoni li ssir
kull l-ewwel Ħamis ta’ kull xahar fis-Seminarju Maġġuri.
Matul din is-sena l-Arċipriet stieden lilna l-abbatini
biex kull tieni Ħamis tax-xahar, nanimaw u mmexxu
adorazzjoni b’talb speċjali għall-vokazzjonijiet, f’din
is-sena ddedikata għal dan il-għan. Din l-adorazzjoni
kienet issir fil-parroċċa tagħna.
IL-ĠBIR TA’ FONDI
Bħala attività ta’ ġbir ta’ fondi f’Settembru 2019, saret
lotterija b’risq il-fond tal-abbatini. Tajna sehemna billi
attendejna f’diversi ħinijiet matul il-jumejn ta’ tmiem
il-ġimgħa sabiex inħajru lin-nies jipparteċipaw fil-lotterija.
Dan il-fond jintuża sabiex jitħallsu l-ispejjeż taddiversi
attivitajiet li jsiru matul is-sena għall-abbatini.
X’GĦAMILNA WAQT IL-PERJODU TAL-MILIED 2019
DAQQA T’ID FIL-PARROĊĊA
Minn żmien għal ieħor ġejna mitluba sabiex nagħtu
daqqa t’id fejn kien hemm bżonn. Intlabna nagħtu
ftit għajnuna fit-tindif ġewwa ċ-Ċentru Parrokkjali kif
ukoll fil-knisja. Huma mumenti fejn aħna l-abbatini
nħossuna fid-dmir li nagħtu xi ħaġa lura lejn il-parroċċa
li tant tinvesti fina.
Kif beda joqrob il-Milied żewġ abbatini tagħna, Euchar
Bajada u Jean Pace ħadu l-inizjattiva biex jorganizzaw
presepju taħt iz-zuntier tal-knisja. Għal diversi ġimgħat
huma impenjaw ruħhom biex ħolqu xena sabiħa tannatività
u b’hekk żiedu l-atmosfera tal-Milied ġewwa
raħalna. Il-pasturi li ntużaw f’dan il-presepju ġew
maħduma fit-tafal mill-istess abbati Jean Pace.
DAQSXEJN SPORT
Matul din is-sena organizzajna logħbiet tal-futbol ma’
għaqdiet ta’ abbatini minn parroċċi oħra f’Għawdex.
Dawn kienu mumenti fejn fihom stajna naqsmu mumenti
sbieħ ma’ abbatini oħra Għawdxin fosthom dawk
tal-parroċċi ta’ Kerċem u tal-Għarb.
FTIT DRAMA
Fid-9 ta’ Novembru morna naraw il-musical li sar fl-
Oratorju Don Bosco bl-isem Sound of Music. Imbagħad
fit-22 ta’ Novembru morna naraw il-kummiedja li saret
mis-seminaristi ġewwa s-sala tas-Seminarju Maġġuri
t’Għawdex bl-isem ta’ Stejfen jilħaqlu.
Appuntament ta’ kull sena fi żmien il-Milied, hija l-
quddiesa f’għar ġewwa x-Xagħra, li tiġi organizzata
għalina l-abbatini flimkien mal-familjari tagħna. Huwa
appuntament li jnissel fina l-veru sens tal-ewwel Milied.
Ma jonqosx li wara din il-quddiesa, ħadna xi ħaġa
tajba filwaqt li qsamna l-awguri tal-Milied flimkien.
Ingħatajna wkoll rigal ċkejken tal-Milied.