59
Mit-Tnejn 23 sal-Ġimgħa 27 ta’ Marzu – Saru
l-eżerċizzi tar-Randan għaż-żgħażagħ. Dawn
twasslu minn Dun Gabriel Gauci permezz ta’
messaġġ rekordjat kuljum fuq il-paġna ta’ Facebook
tal-parroċċa.
il-Ġimgħa 27 ta’Marzu – Illum kellu jsir ilpellegrinaġġ
bl-istatwa tar-Redentur, iżda minħabba
ċ-ċirkustanzi dan ma sarx. Saret biss il-quddiesa bilprietka.
Wara kien previst li ssir il-Via Sagra meditata
fil-knisja, iżda minflokha ġejna mistiedna nsegwu
l-velja ta’ talb li l-Papa Franġisku għamel fi Pjazza
San Pietru, peress li kienet taħbat fl-istess ħin. Din
il-velja b’talb speċjali fi żmien il-pandemija kienet
imxandra fuq TVM2.
it-Tlieta 31 ta’ Marzu – Illum saret it-tielet katekeżi
fuq San Ġwann Battista minn P. Marcello Ghirlando
OFM, bi tħejjija għall-Festa 2020. Din kellha ssir
il-Ħamis ta’ qabel imma ġiet trasferita għal-lum
minħabba impenji oħra tal-predikatur. Il-katekeżi
kienet mxandra b’mod dirett ukoll.
april 2020
il-Ġimgħa 3 ta’April – Illum ġiet iċċelebrata l-festa
tad-Duluri. Fil-5.15pm saret quddiesa bil-prietka
u wara saret meditazzjoni fuq is-seba’ duluri tal-
Madonna minn quddiem in-niċċa tagħha ġewwa
l-knisja. Fi tmiemha sar affidament tal-parroċċa
lill-Madonna fid-dawl taċ-ċirkustanzi attwali. Dawn
l-attivitajiet kienu mxandrin b’mod dirett fuq il-
YouTube Channel ta’ Radju Prekursur. Il-purċissjonipageant
li soltu ssir f’din l-okkażjoni, din is-sena
lanqas setgħet issir.
Mill-Ħadd 5 u sal-Ħadd 12 ta’ April – Saru
ċ-ċelebrazzjonijiet kollha tal-Ġimgħa Imqaddsa
bil-bibien magħluqa u kienu mxandra fuq l-Internet
għall-benefiċju ta’ dawk li xtaqu jieħdu sehem
f’dawn iċ-ċelebrazzjonijiet.
l-erbgħa 8 ta’April – Fuq il-paġna ta’ Facebook
tal-parroċċa ġiet imxandra Via Sagra rrekordjata
mit-tfal tal-parroċċa tagħna, minn djarhom. Din
ġiet imxandra bħala parti mill-attivitajiet konnessi
mal-Ġimgħa Mqaddsa.
il-Ħamis 16 ta’ April – Illum tajna bidu għall-
Ħamisijiet ta’ San Ġwann. Fil-5.15pm saret quddiesa
bil-prietka mill-Arċipriet, li kienet imxandra b’mod
dirett. Fi tmiem il-quddiesa tlabna wkoll il-kurunella
lil San Ġwann. Matul dawn il-Ħamisijiet fuq il-paġna
ta’ Facebook tal-parroċċa ġiet imnedija wkoll
kompetizzjoni għat-tfal. Kull nhar ta’ Ħamis huma
kellhom jaqraw silta mill-Vanġelu b’rabta ma’ San
Ġwann u jieħdu sehem fil-kompetizzjoni. Il-Ħamis ta’
wara kien jintgħażel bix-xorti r-rebbieħ jew rebbieħa
tal-ġimgħa ta’ qabel.
il-Ħadd 19 ta’ April – Festa tal-Ħniena Divina. Mit-
3.00pm sal-4.00pm saret siegħa adorazzjoni b’talb
speċjali lill-Ħniena Divina u wara ġiet iċċelebrata
quddiesa bil-prietka tal-okkażjoni.
il-Ħamis 30 ta’ April – Illum saret ir-raba’ katekeżi
fuq San Ġwann Battista minn P. Marcello Ghirlando
OFM, li kienet imxandra b’mod dirett fuq l-Internet.
Illum ukoll fuq il-paġna ta’ Facebook tal-parroċċa
xxandar video ieħor mit-tfal tal-Kor Ulied il-Battista.
Din id-darba bl-għanja “Għażiż Ġwanni”, li huma
rrekordjaw minn djarhom.
MeJJu 2020
il-Ġimgħa l-1 ta’ Mejju – Illum tajna bidu għaxxahar
tal-Madonna. Waqt l-adorazzjoni ta’ filgħodu
l-Arċipriet qara l-ittra tal-Papa Franġisku dwar ixxahar
ta’ Mejju u li fiha l-Papa ħeġġeġ lill-Insara biex
jitolbu r-rużarju kuljum speċjalment f’dan iż-żmien
ta’ pandemija.
il-Ġimgħa 8 ta’ Mejju – Illum kienet taħbat il-festa
tal-Madonna tar-Rużarju ta’ Pompej. F’nofsinhar
l-Arċipriet mexxa t-talba tas-Supplika lill-Madonna
fi tmiem l-adorazzjoni li saret mill-11.00am sa
nofsinhar.
il-Ħadd 10 ta’ Mejju – Jum l-Omm. Fil-quddiesa tad-
9.30am sar talb speċjali għall-ommijiet kollha ħajjin
u mejtin. Din is-sena sar talb speċjali għall-ommijiet
li tilfu ħajjithom jew xi persuna għażiża kawża
tal-Covid-19. Sar ukoll talb għall-ommijiet tobba
jew infermiera li kienu qed jiċċaħħdu mill-familji
tagħhom biex jgħinu lil dawk milquta mill-virus.
il-Ħadd 10 ta’ Mejju – Fil-bullettin tal-lum tħabbar
li kien ingħata bidu għax-xogħol ta’ rinovazzjoni u
tisbiħ tan-niċċa ta’ San Ġwann Battista. Id-disinn
tagħha sar minn Manuel Farrugia u ġie ppubblikat
illum fuq il-paġna ta’ Facebook tal-parroċċa.
il-Ġimgħa 22 ta’ Mejju – Tajna bidu għan-novena
tal-Ispirtu s-Santu bi tħejjija għall-festa ta’ Għid il-
Ħamsin. Kuljum fil-quddiesa kien jingħad il-Veni
Creator.
il-Ġimgħa 22 ta’ Mejju – Illum ħarġu direttivi ġodda
mill-Isqfijiet Maltin u l-Awtoritajiet tas-Saħħa li kienu
jippermettu li jerġgħu jibdew isiru l-funerali fil-knisja
imma b’diversi prekawzjonijiet.
il-Ħamis 28 ta’ Mejju – Saret il-ħames katekeżi fuq
San Ġwann Battista minn P. Marcello Ghirlando flokkażjoni
ta’ din is-sena speċjali.
il-Ħadd 31 ta’ Mejju – Illum kien jaħbat il-50 sena
mit-tqegħid tas-salib tal-koppla tal-knisja Rotunda.
Fl-4.00pm saret quddiesa ta’ radd il-ħajr lil Alla b’talb
speċjali għall-benefatturi kollha ħajjin u mejtin
tal-parroċċa, speċjalment dawk li kienu involuti filbini
tal-knisja. Fi tmiem il-quddiesa nqrat il-poeżija
tal-Poeta Xewki Anton Haber li kien kiteb u qara hu
stess għal dik l-okkażjoni 50 sena ilu.
MID-DJARJU
t a l - p a r r o ċ ċ a