57
is-Sibt 21 ta’ Diċembru – Fiċ-Ċentru Parrokkjali
ġiet inawgurata wirja tal-Milied organizzata mill-
Għaqda Milied Xewkija. Żewġ presepji oħra kbar
kienu esibiti fil-knisja Rotunda u presepju ieħor taħt
iz-zuntier tal-knisja.
il-Ħadd 22 ta’ Diċembru – Għat-tielet darba, fil-
Parroċċa tax-Xewkija ttella’ l-Kunċert Sounding
the Joy of Christmas bil-parteċipazzjoni ta’ Robert
Buttigieg bit-trumbetta u Amy Rapa fuq l-orgni. Ħa
sehem ukoll Kor Ulied il-Battista u l-mużiċisti Simon
Rapa u Eugene Bajada.
it-Tlieta 24 ta’ Diċembru – Filgħaxija saret ilpurċissjoni
tradizzjonali tal-Bambin, organizzata
mill-Museum tas-Subien. Wara ttella’ programm
tal-Milied fil-knisja, li kien jinkludi wkoll il-prietka
tat-tifel. Aktar tard, fil-11.00pm ngħata bidu għallkunċert
tal-Milied fuq l-orgni minn Noel Gallo u
f’11.45pm bdiet il-quddiesa solenni tal-lejl tal-Milied.
il-Ġimgħa 27 ta’ Diċembru – Għat-tielet sena
konsekuttiva ġiet organizzata ikla tal-Milied fiċ-Ċentru
Parrokkjali għall-persuni li jgħixu weħidhom. Din
l-attività ġiet organizzata mill-Kummissjoni Djakonija
tal-parroċċa bil-għajnuna ta’ diversi żgħażagħ.
il-Ġimgħa 27 ta’ Diċembru – Illum sar ukoll il-festin
tat-tfal tal-parroċċa. It-tfal ħadu sehem fil-quddiesa
tal-5.15pm u mbagħad komplew bil-festa fiċ-
Ċentru Parrokkjali, fejn ġie wkoll Father Christmas
iqassmilhom ir-rigali.
il-Ħadd 29 ta’ Diċembru – Illum fuq il-bullettin
tal-parroċċa ġie ppubblikat uffiċjalment il-logo
tas-sena speċjali 2020, fl-okkażjoni tal-175 sena talistatwa
ta’ San Ġwann Battista. Il-logo huwa xogħol
ta’ Paul Falzon.
il-Ħadd 29 ta’ Diċembru – Festa tal-Familja ta’
Nazaret. Fid-9.30am saret quddiesa bis-sehem talfamilji.
Fi tmiem il-quddiesa saret it-tberik tat-trabi u
t-tfal. Filgħaxija fil-knisja Rotunda ttella’ kunċert ieħor
tal-Milied, din id-darba mill-Gozo Community Choir.
it-Tnejn 30 ta’ Diċembru – L-adolexxenti talparroċċa
tagħna kellhom ħarġa għal Malta fejn
fost l-oħrajn, żaru l-Creche tas-Sorijiet Ursolini
f’Tas-Sliema u tawhom ir-rigali li kienu nġabru mittfal
tal-parroċċa tagħna waqt in-novena tal-Milied.
Is-sorijiet irringrazzjaw lit-tfal kollha tar-raħal tax-
Xewkija għall-ġenerożità kbira tagħhom, filwaqt li
l-adolexxenti tagħna qattgħu xi ħin jilagħbu mat-tfal
li jgħixu f’dik id-dar.
it-Tnejn 30 ta’ Diċembru – Illum ukoll saret attività
tal-Milied għall-gruppi tal-Lectio Divina. Huma
ċċelebraw l-Ewkaristija fil-knisja ta’ Ġesù Nazzarenu
fix-Xagħra u wara ż-żaru n-Night Shelter fiċ-Ċentru
Ġesù Nazzarenu fejn kellhom ukoll refreshments.
Żaru wkoll wirja tal-presepji fl-istess Ċentru.
it-Tlieta 31 ta’ Diċembru – Fil-5.15pm saret ilquddiesa
ta’ radd il-ħajr bil-kant tat-Te Deum. Aktar
tard, fil-11.00pm, saret quddiesa oħra li permezz
tagħha temmejna s-sena 2019 u bdejna s-sena 2020.
Jannar 2020
l-erbgħa 1 ta’ jannar – Tajna bidu għal din is-sena
speċjali li fiha bħala parroċċa qed infakkru l-175 sena
mill-miġja tal-istatwa ta’ San Ġwann Battista fostna.
il-Ħadd 5 ta’ jannar – Festa tal-Epifanija tal-Mulej.
Wara l-quddiesa tal-10.30am tħabbru r-rebbieħa u
ngħataw il-premijiet tal-kompetizzjonijiet tal-isbaħ
presepju fid-djar u l-isbaħ tieqa mżejna, organizzati
mill-Għaqda Milied Xewkija.
Mit-Tnejn 6 sas-Sibt 11 ta’ jannar – Matul din ilġimgħa
saret il-ġabra tal-Istrina ta’ San Ġwann. F’din
l-okkażjoni tqassam ukoll il-kalendarju tal-parroċċa
2020 lill-familji kollha, b’ritratti mill-isbaħ tal-istatwa,
fl-okkażjoni ta’ din is-sena speċjali.
MID-DJARJU
t a l - p a r r o ċ ċ a