56
MID-DJARJU
t a l - p a r r o ċ ċ a
il-Ħamis 10 ta’ Ottubru – Saret siegħa adorazzjoni
b’talb speċjali għall-vokazzjonijiet, bis-sehem talabbatini
u l-ġenituri tagħhom. Din l-adorazzjoni
kellha tibqa’ ssir kull tieni Ħamis tax-xahar matul din
is-sena pastorali li fid-djoċesi tagħna ġiet iddedikata
għall-vokazzjonijiet.
il-Ħadd 13 ta’ Ottubru – Saret l-Assemblea
Parrokkjali f’Dar Manresa fir-Rabat li fiha ġie
propost li jitwaqqfu fil-parroċċa tagħna diversi
Kummissjonijiet biex jikkoordinaw aħjar il-ħidma
tad-diversi gruppi u għaqdiet li diġà għandna.
Il-laqgħa ntemmet b’mumenti ta’ adorazzjoni
quddiem Ġesù Ewkaristija u t-talba tal-Għasar.
il-Ħadd 20 ta’ Ottubru – Fid-dinja Kattolika ġiet
iċċelebrata l-Ġurnata Missjunarja. Fil-parroċċa
tagħna fid-9.30am kellna konċelebrazzjoni
mmexxija mill-Isqof Mons. George Bugeja li qed
jaqdi l-missjoni tiegħu fi Tripli u Benghażi fil-Libja.
Wara l-omelija, l-Isqof Bugeja ta l-mandat lillkatekisti
u lill-animaturi tal-parroċċa tagħna.
noVeMbru 2019
il-Ħadd 1 ta’ Novembru – Solennità tal-Qaddisin
kollha. Fil-5.15pm saret konċelebrazzjoni solenni.
Ħa sehem Kor Ulied il-Battista.
is-Sibt 2 ta’ Novembru – Fil-Knisja Kattolika llum
ġiet ċċelebrata t-tifkira solenni tal-Fidili Mejtin
Kollha. Fiċ-ċimiterju tal-parroċċa tagħna saret
konċelebrazzjoni solenni fl-4.00pm, li tmexxiet
mill-Arċipriet Mons. Daniel Xerri. F’din il-quddiesa
ġew imfakkra b’mod speċjali l-membri tal-komunità
tagħna li mietu matul l-aħħar sena. Fi tmiem iċċelebrazzjoni
sar it-tberik tal-oqbra.
Mit-Tnejn 4 sal-Ġimgħa 8 ta’ Novembru – Ġiet
iċċelebrata l-Ġimgħa tal-Azzjoni Kattolika filparroċċa
tagħna. Fiha ġew organizzati diversi
attivitajiet fosthom żjara lill-anzjani fl-Isptar Ġenerali
t’Għawdex, sagħtejn ta’ spiritwalità għal kulħadd,
ħarġa għall-membri u adorazzjoni fil-knisja. Flgħeluq
tal-ġimgħa ġiet iċċelebrata wkoll il-quddiesa
ad unur ta’ Santa Gianna Beretta Molla.
il-Ħadd 10 ta’ Novembru – Ġiet imnedija filparroċċa
tagħna inizjattiva oħra b’rabta mas-sena
tal-vokazzjonijiet. Din kienet tikkonsisti fl-“Offerta
tat-tbatija għall-vokazzjonijiet”. Min xtaq jieħu
sehem, seta’ jieħu l-impenn li joffri t-tbatija tiegħu
għal dan il-għan billi jgħid kuljum talba apposta li
tqassmet mal-bullettin.
Mill-Ġimgħa 15 sal-Ħadd 17 ta’ Novembru
2019 – Fil-parroċċa ġew iċċelebrati l-Kwaranturi
Mqaddsa. Matul il-ġranet tal-Ġimgħa u tas-Sibt
diversi gruppi animaw xi sigħat ta’ adorazzjoni, li
komplew għaddejjin matul il-lejl kollu ta’ bejn is-
Sibt u l-Ħadd. Il-Kwaranturi laħqu l-qofol tagħhom
il-Ħadd bil-konċelebrazzjoni solenni fl-4.00pm u
wara purċissjoni b’Ġesù Ewkaristija, akkumpanjata
mill-fratelli. Minħabba l-kundizzjonijiet tat-temp ilpurċissjoni
għaddiet minn Triq il-Knisja u Triq Ħelsien
u mbagħad kellha ddur lura minn Triq Ein Karem u
Triq San Żakkarija lejn il-knisja. Iċ-ċelebrazzjoni ġiet
fi tmiemha bil-Barka Sagramentali.
il-Ħamis 21 ta’ Novembru – Fil-parroċċa tagħna
ġiet iċċelebrata l-festa ta’ Santa Teodora. Filgħaxija
saret konċelebrazzjoni solenni li fiha saret ilpreżentazzjoni
tal-adolexxenti li kienu qed jitħejjew
biex jirċievu l-Ġriżma tal-Isqof.
il-Ġimgħa 22 ta’ Novembru – Fil-knisja Rotunda
sar kunċert fuq l-orgni bħala parti mill-Malta
International Organ Festival 2019.
il-Ġimgħa 29 ta’ Novembru – Saret quddiesa ta’
radd il-ħajr fl-okkażjoni ta’ Jum ix-Xewkija li kien qed
jiġi organizzat mill-Kunsill Lokali.
DiċeMbru 2019
il-Ħadd l-1 ta’ Diċembru - Ingħata bidu għażżmien
tal-Avvent. Fi tmiem il-quddiesa tad-9.30am
fil-knisja tagħna ġiet inawgurata siġra tal-Milied
b’risq il-karità. It-tfal preżenti ġew mistiedna
jqiegħdu fuq din is-siġra dekorazzjonijiet li fuqhom
kien hemm miktub l-isem ta’ xi rigal. Imbagħad
kulħadd kien mistieden biex jieħu xi waħda minn
dawn id-dekorazzjonijiet, jixtri r-rigal li jkun hemm
miktub fuqha u jqiegħdu taħt din is-siġra biex
imbagħad jingħata lil xi persuna jew familja filbżonn
fl-okkażjoni tal-festi tal-Milied. Illum ukoll, u
fil-Ħdud kollha tal-Avvent, il-komunità parrokkjali
kienet mistiedna biex flimkien mas-saċerdoti talparroċċa
jitolbu t-talba tal-Għasar wara l-quddiesa
tal-4.00p.m.
il-Ħadd l-1 ta’ Diċembru – Ilum iż-żgħażagħ talparroċċa
tagħna ħarġu jħabbtu bieb bieb biex jiġbru
prodotti tal-ikel ħalli jingħataw bħala hampers tal-
Milied lill-familji fil-bżonn. Illum ukoll fuq iz-zuntier
tal-knisja sar il-Bake Sale tal-Milied b’risq ir-restawr
tal-istatwa ta’ San Ġwann.
il-Ħadd 8 ta’ Diċembru – Solennità tal-Kunċizzjoni.
Fis-6.00am sar pellegrinaġġ parrokkjali għall-knisja
tal-Kunċizzjoni fil-Qala fejn saret quddiesa mill-
Arċipriet Mons. Daniel Xerri.
il-Ġimgħa 13 u s-Sibt 14 ta’ Diċembru – Il-Kumitat
Ċentrali tal-Festa fi ħdan il-parroċċa organizza għallewwel
darba l-Christmas Market fil-pjazza tar-raħal
tagħna.
il-Ħadd 15 ta’ Diċembru – Tajna bidu għan-novena
tal-Milied, bis-sehem tat-tfal u l-ġenituri. Ħa sehem
ukoll il-kor tat-tfal. Wara l-Vanġelu l-kor offra kuljum
għanja differenti tal-Milied li permezz tagħha
twassal il-messaġġ tan-novena. Matul dawn il-jiem
it-tfal kienu mistiedna wkoll iġibu xi rigal għal tfal
oħra li huma fil-bżonn.