55
setteMbru 2019
il-Ħadd l-1 ta’ Settembru – Fil-bullettin tal-parroċċa
l-Arċipriet ħabbar li l-Kummissjoni Patrimonju
Kulturali Kattoliku kienet tat l-approvazzjoni tagħha
biex isir ix-xogħol ta’ restawr u konservazzjoni fuq
l-istatwa ta’ San Ġwann Battista. Huwa ħabbar ukoll
li kien ingħata bidu għall-proġett ta’ illuminazzjoni
ġdida tal-knisja Rotunda minn barra.
is-Sibt 21 ta’ Settembru – Ġiet iċċelebrata l-festa
tal-Madonna tal-Ħniena. Filgħaxija sar pellegrinaġġ
bl-inkwatru tal-Madonna madwar il-plots tal-Barmil
waqt li ntqalet it-talba tar-rużarju. Wara, l-Isqof
Mario Grech mexxa quddiesa li saret ħdejn ilplaying
field tal-Barmil u li għaliha kienu mistiedna
l-għarajjes li kienu ser jibdew il-laqgħat ta’ tħejjija
għas-sagrament taż-żwieġ. Din il-festa waslet fi
tmiemha permezz ta’ barbikju li l-qligħ minnu mar
għall-proġett ta’ restawr tal-kampnar tal-kappella
tal-Madonna tal-Ħniena.
Mit-Tnejn 16 sal-Ġimgħa 20 ta’ Settembru – Saret
Ġimgħa Museumina organizzata mill-Museum tas-
Subien, li kienet tikkonsisti f’diversi konferenzi minn
superjuri Maltin tal-Museum. Saret ukoll laqgħa
għall-ġenituri tat-tfal tad-duttrina u adorazzjoni
quddiem l-Ewkaristija.
il-Ħadd 29 ta’ Settembru – Richard Hasthorpe, ta’
nazzjonalità Ingliża u residenti fil-parroċċa tagħna
u li kien mgħammed fil-Knisja Battista, talab li
jsir Kattoliku u wara mixja ta’ formazzjoni, huwa
ġie milqugħ uffiċjalment fil-Knisja Kattolika mill-
Isqof Mario Grech waqt il-quddiesa tad-9.30am
li saret f’dan il-jum. Wara li għamel l-istqarrija
tal-fidi tiegħu, Richard irċieva s-sagrament tal-
Konfermazzjoni u t-Tqarbin Imqaddes. Anima l-kant
il-Gozo Community Choir, li tiegħu Richard huwa
ċ-chairman, taħt id-direzzjoni ta’ Peter Thomas.
il-Ħadd 29 ta’ Settembru – Fuq il-bullettin
tal-parroċċa tħabbar li l-Isqof Mario Grech kien
għoġbu jibgħat lil Dun Gabriel Gauci, mill-Parroċċa
ta’ Kerċem, biex jgħin fil-ħidma maż-żgħażagħ u
l-adolexxenti tal-parroċċa tagħna. Fil-quddiesa tal-
Ħadd l-Arċipriet feraħ lil Dun Gabriel u awguralu
ħidma fejjieda fostna.
ottubru 2019
Matul ix-xahar ta’ Ottubru l-Leġjunarji organizzaw
it-talba tar-rużarju ħdejn il-playing field fiż-żona
tal-Barmil u fil-pjazza ta’ Spagu kull nhar ta’ Erbgħa,
kif ukoll fil-ġnien ta’ quddiem l-Iskola Primarja fi Triq
il-Ħamrija kull nhar ta’ Ġimgħa.
il-Ħadd 6 ta’ Ottubru - Ġiet iċċelebrata l-festa
tal-Madonna tar-Rużarju. Fl-4.00pm saret
konċelebrazzjoni solenni li tmexxiet mill-Arċipriet
u li għamel prietka tal-okkażjoni Dun Gabriel Gauci.
Kor Ulied il-Battista anima bil-kant tiegħu waqt
din il-konċelebrazzjoni. Wara saret il-purċissjoni
bl-istatwa tal-Madonna tar-Rużarju, akkumpanjata
mill-fratelli. Fi tmiem il-purċissjoni ngħatat il-Barka
Sagramentali. F’din l-okkażjoni sar talb partikolari
għall-Isqof Mario Grech li fit-2 ta’ Ottubru kien ġie
maħtur mill-Papa Franġisku bħala Prosegretarju
tas-Sinodu tal-Isqfijiet.
MID-DJARJU
t a l - p a r r o ċ ċ a
it-Tnejn 7 ta’ Ottubru – L-istatwa ta’ San Ġwann
Battista ġiet meħuda fil-laboratorju tad-ditta
PrevArti l-Mosta sabiex jibda x-xogħol ta’ restawr
u konservazzjoni fuqha.
it-Tnejn 7 ta’ Ottubru – Reġgħu bdew jiltaqgħu
l-gruppi tal-Lectio Divina wara l-waqfa tas-sajf.