48
Vara tat-titular
mInn Charlon Cutajar
Lejn nofs l-elf u tmien mija,
meta ħarġet l-aħbar,
li statwa tal-Battista,
f’dar-raħal ser tinġab.
Kien l-Kappillan Vella,
li ġewwa Bormla mar,
biex jordna din l-istatwa,
vara tat-titular.
Pietru Pawl Azzopardi,
għamlilna kapulavur,
biex nibqgħu nfaħħru ħiltek,
tassew hu ħareġ bl-unur.
Kemm stennew ta’ qabilna,
kurżità kbira biex jaraw,
kif ser jiġi l-Patrun tagħhom,
U jifirħu u jkantaw.
Il-ġimgħat bdew igerbu,
xhur għaddew u anke snin,
sakemm raw quddiem għajnejhom,
xogħol sabiħ mill-aktar fin.
Kien it-tnejn u għoxrin ta’ Ġunju,
elf, tmien mija, ħamsa u erbgħin,
Meta f’dar-raħal ġrat miġja,
li fetħet beraħ, l’għajnejn.
Kapolavur mill-aqwa,
ta’ mastru Pietru Pawl,
imnaqqax f’zokk ta’ tuta,
Li aħna għadna naraw.
Qalbhom imtliet koll’ għożża ,
b’dak li quddiemhom raw,
U festa wara l-oħra ,
twelidek niċċelebraw.
Qaddis, l-akbar profeta,
Ta’ Kristu il-Prekursur,
Int l-għaxqa tax-Xewkija,
Lejk imħabbitna tfur.
175 sena fostna