43
It-tip ta’ injam użat
Xtaqna wkoll li nidentifikaw it-tip ta’ injam li minnu
hi magħmula l-istatwa titulari ta’ San Ġwann Battista.
Għal dan il-għan, ittieħed kampjun żgħir ta’ injam li ġie
analizzat taħt mikroskopju. B’hekk stajna nidentifikaw
li l-injam użat huwa injam tas-siġra tal-arżnu.
Testijiet preliminari
Wara li kien lest il-proċess tal-anoxia, stajna nibdew
it-testijiet tagħna. Saru testijiet żgħar fuq il-ġenb talistatwa
biex niddeterminaw liema hu l-aħjar metodu,
kimika u materjali sabiex isir it-tindif u konsolidament
li kien hemm bżonn.
Inbeda wkoll il-proċess fejn infetħu dawk il-partijiet
fejn l-injam beda jixpakka biex isiru testijet tal-mod
kif se naħdmu.
Il-proċess tat-tindif
Wara t-testijiet li saru, beda l-proċess ta’ tindif. Konna
nafu li l-polikramija li għandha l-istatwa llum mhix
dik oriġinali ta’ Pietru Pawl Azzopardi. Stajna naraw
diversi livelli ta’ żebgħa: dak tal-irtokki l-iktar riċenti u
taħthom iż-żewġ saffi ta’ żebgħa tal-Pittur Giuseppe
Briffa. Xi ħaġa interessanti li sibna hi illi Briffa għamel
żewġ saffi ta’ żebgħa. Jingħad illi l-ewwel darba li kien
żebagħha kienet pjuttost ċara u ma kinitx intgħoġbot u
allura reġa’ żebagħha bil-kuluri li għandha llum. B’mod
partikulari fil-partijiet fejn kien hemm il-ħsarat, stajna
naraw ukoll iż-żebgħa oriġinali. Kemm il-kulur aħmar
kif ukoll l-aħdar kienu aktar qawwijin.
B’konsultazzjoni mal-Arċipriet Monsinjur Daniel Xerri,
ittieħdet id-deċiżjoni li tinżamm l-aħħar polikramija
ta’ Briffa. Din kienet deċiżjoni importanti għaliex dawn
il-kuluri huma parti mill-istatwa kif jafuha n-nies illum.
Kien importanti li ma jkunx hemm differenza kbira filpolikramija
minn kif imdorrijin jarawha d-devoti.
Neħħejna l-akkumulazzjoni tal-ħmieġ flimkien malirtokk
li sar fl-aħħar restawr fuq iż-żebgħa ta’ Briffa.
Hawnhekk ħarġu wkoll ċerti tbajja’ ta’ moffa li kienu
ġew mgħottija bl-irtokk. Wara li ttrattajna dawn it-tbajja’,
eventwalment għattejniehom xħin erġajna rtokkjajna.
Hekk, bilmod il-mod bdew ħerġin il-kuluri ta’ Briffa,
partikularment il-kulur tal-karnaġġjon. B’dan il-mod ġiet
ippreservata l-polikramija ta’ Briffa u l-kulur ġie iktar unit.
Matul il-proċess tat-tindif, sar ukoll il-konsolidament ta’
partijiet taż-żebgħa li kienet qed tinqala’.
Ħidma strutturali
Wara l-proċess ta’ tindif, għaddejna biex naħdmu fuq
dak li huwa strutturali. Hawnhekk ittrattajna dawk