41
175 sena fostna
Il-proċess ta’ restawr u konservazzjoni
fuq l-Istatwa titulari ta’ San Ġwann
Battista u fuq il-pedestall tagħha
Is-sur PIerre bugeja mInn PrevartI
Għall-bidu tas-sena 2019 il-kumpanija tagħna PrevArti
kienet ġiet avviċinata mill-Arċipriet tal-Parroċċa tax-
Xewkija Monsinjur Daniel Xerri biex naraw l-istat
ta’ konservazzjoni tal-istatwa titulari ta’ San Ġwann
Battista. Impressjonawni minnufih ix-xquq li kien
hemm fl-injam li jindikaw il-mod kif ġiet maħduma.
Barra minn hekk, kien hemm partijiet taż-żebgħa,
speċjalment fuq il-kulur aħmar li kienu bdew jinqalgħu
u deher biċ-ċar il-kulur ta’ taħt li allura kien ifisser li
l-istatwa kienet ġiet miżbugħa mill-ġdid matul is-snin.
Kien evidenti wkoll il-ħmieġ li weħel magħha matul
is-snin.
Fis-7 ta’ Ottubru sar it-trasport tal-istatwa ta’ San Ġwann
mill-knisja Rotunda għal-laboratorju tagħna fil-Mosta.
Għalhekk, b’attenzjoni kbira, l-istatwa tneħħiet minn
fuq il-pedestall u ttieħdu l-prekawzjonijiet kollha
meħtieġa biex ma ssirx ħsara waqt il-vjaġġ. Ridna
nipproteġu ż-żebgħa, l-iktar fil-partijiet fejn kien hemm
ix-xquq fl-injam peress li hemmhekk iż-żebgħa kienet
instabbli. L-istatwa ġiet ukoll protetta b’diversi saffi ta’
plastik u fabric apposta biex jitnaqqas l-effett tal-bdil
fil-klima li kienet se tgħaddi minnu meta tinħareġ
mill-ambjent tagħha li hemm fil-knisja. L-istatwa
ġiet marbuta mal-bażi ta’ kaxxa tal-injam li nħadmet
apposta. Dawramejt, sar ukoll cushioning bħala
protezzjoni. Hekk, matul il-vjaġġ, jiġi evitat kemm jista’
jkun li tintmess l-istatwa. Meta waslet fil-laboratorju
tagħna, ħallejnieha għal 48 siegħa sakemm tadatta
għall-klima tal-laboratorju, imbagħad bdejna ftit ftit
nikxfu l-plastik u l-fabric li bihom kienet mgħottija
l-istatwa.
Il-proċess ta’ dokumentazzjoni
L-ewwel proċess kien li niddokumentaw l-istatwa.
Matul dan il-proċess l-istatwa titqiegħed taħt dwal
apposta biex joħorġu ċerti dettalji.
Permezz ta’ raking light, dawl mill-ġenb, stajna naraw
aħjar fejn kien hemm problemi strutturali, jiġifieri fejn
l-injam kien qiegħed jiċċaqlaq. Dan huwa proċess
normali fi statwi magħmula mill-injam. Statwa ta’ din
id-dimensjoni tkun magħmula minn diversi blokok talinjam
separati, magħqudin flimkien waħda mal-oħra, li
minnhom l-artist ikun naqqax l-istatwa. Dawn jagħmlu