34
Fl-okkażjoni tal-175 sena tal-istatwa ta’
San Ġwann Battista, il-parroċċa ħasbet
biex tirrestawra din l-istatwa artistika li
kienet inħadmet fl-injam minn Pietru
Pawl Azzopardi fl-1845. Ġie restawrat
ukoll il-pedestall tagħha, sar xogħol
ta’ rinovazzjoni u tisbiħ tan-niċċa u
ngħata bidu għal proġett ta’ bankun
u bradella ġodda għall-istess statwa
titulari.
175 sena fostna
PROĠETTI FL-OKKAŻJONI
TAL-175 SENA TAL-ISTATWA
TA’ SAN ĠWANN BATTISTA
1. Restawr u Konservazzjoni
tal-Istatwa
Il-proġett ta’ restawr u konservazzjoni
tal- istatwa ġie afdat f ’idejn ilkumpanija
PrevArti, li s-sena ta’ qabel
kienet wettqet b’mod professjonali
proġett ieħor fil-parroċċa tagħna,
dak tar-restawr u l-konservazzjoni
tat-tużell tal-festa.Wara li nkisbu
l-permessi meħtieġa mill-Kurja tal-
Isqof u mill-Kummissjoni Patrimonju
Kulturali Kattoliku, l-istatwa ta’ San
Ġwann Battista ġiet trasportata fillaboratorju
ta’ PrevArti fil-Mosta fis-7
ta’ Ottubru 2019, fejn ingħata bidu
mill-ewwel għax-xogħol fuqha. Aktar
dettalji dwar dan ix-xogħol li sar fuq
l-istatwa ssibu fl-artiklu ta’ Pierre
Bugeja, f’paġna 41 ta’ din ir-rivista.
Id-dijadema tal-istatwa, li hi taddeheb,
ġiet imnaddfa u restawrata
minn George Farrugia, li jaħdem iddeheb
u li hu iben il-parroċċa tagħna;
filwaqt li s-salib ta’ San Ġwann, li
hu tal-fidda, ġie bbanjat mill-ġdid
bid-deheb mill-aħwa Deo u Mario,
ulied l-arġentier Tarcisio Cassar taż-
Żejtun. Dan is-salib kien inħadem
minn Saverio Cannataci fl-1848, waqt
li d-dijadema nħadmet minn Ġużeppi
Pirotta fl-1961.
L-istatwa ta’ San Ġwann waqt ir-restawr u konservazzjoni mill-kumpanija PrevArti
Id-dijadema tal-istatwa, wara li ġiet imnaddfa u restawrata minn George Farrugia
Is-salib ta’ San Ġwann, li hu tal-fidda, ġie bbanjat mill-ġdid
bid-deheb mill-aħwa Deo u Mario Cassar