33
175 sena fostna
INIZJATTIVI PASTORALI
FL-OKKAŻJONI TA’ DIN
IS-SENA SPEĊJALI
Fl-okkażjoni ta’ din is-sena speċjali li fiha qed infakkru
l-175 sena tal-istatwa ta’ San Ġwann Battista, il-parroċċa
nediet diversi inizjattivi pastorali, sew fuq livell ta’
katekeżi kif ukoll fuq livell ta’ karità.
1. Katekeżi fuq San Ġwann Battista
Darba fix-xahar qed issir katekeżi minn P. Marcello
Ghirlando OFM fuq San Ġwann Battista. Din qed issir
kull l-aħħar Ħamis tax-xahar, fil-knisja, fis-7.00pm.
L-għan tagħha hu li tgħinna nersqu aktar lejn il-
Kelma t’Alla u nsiru nafu aktar lill-Battista fid-dawl
tal-Iskrittura Mqaddsa. Anke meta bdiet l-imxija
tal-Covid-19 f’pajjiżna u n-nies ma setgħux jibqgħu
jiltaqgħu fil-knejjes, din il-katekeżi baqgħet issir xorta
waħda f’xandira diretta mill-knisja fuq Radju Prekursur
u livestreamed fuq il-YouTube channel tal-istess radju.
3. Kampanja għoti tad-demm
Fil-qasam tal-karità, il-parroċċa nediet kampanja
ta’ għoti tad-demm bil-għan li niġbru mill-parroċċa
tagħna 175 borża demm - numru simboliku f’rabta
mal-175 sena tal-istatwa ta’ San Ġwann Battista. Flewwel
ftit ġimgħat kien hemm rispons tajjeb ħafna
iżda mbagħad sfortunatament naqas ukoll minħabba
l-imxija tal-Covid-19. Din l-inizjattiva għadha miftuħa
u fi ħsiebna nkompluha sal-aħħar tas-sena 2020. Qed
tingħata tifkira lid-donaturi li huma mill-parroċċa
tagħna u li jixtiequ jkunu parti minn din l-inizjattiva.
4. Caritas parrokkjali
2. Mixja mal-Kelma t’Alla għall-koppji żgħar
Inizjattiva oħra fl-ambitu tal-Katekeżi kienet it-twaqqif
ta’ grupp għall-koppji tal-parroċċa tagħna li żżewġu
f’dawn l-aħħar għaxar snin. Dawn ġew mistiedna biex
jibdew mixja mal-Kelma t’Alla, li tikkonsisti f’laqgħa
darba fix-xahar. Sfortunatament dawn il-laqgħat, li
kienu qed jitmexxew minn Dun Gabriel Gauci flimkien
ma’ xi animaturi mill-Kummissjoni Djoċesana Familja,
kellhom jieqfu minħabba l-imxija tal-Covid-19.
Hemm il-ħsieb li jitkomplew meta ċ-ċirkustanzi jkunu
jippermettu.
Imnebbħin mill-messaġġ ta’ Ġwanni l-Battista biex “min
għandu żewġ ilbiesi jaqsam ma’ min m’għandu xejn u
min għandu x’jiekol jagħmel l-istess” (Lq 3,11), hemm
il-ħsieb ukoll li, f’rabta ma’ din is-sena speċjali, niftħu
ċentru Caritas parrokkjali. L-għan ta’ dan iċ-ċentru
ser ikun li noffru għajnuna permezz ta’ ikel, ħwejjeġ
u bżonnijiet oħra lill-familji u persuni fil-bżonn anke
lill-barranin li jgħixu fostna. Dan ser ikun immexxi mill-
Kummissjoni Djakonija li waqqafna fil-parroċċa tagħna
f’Ottubru 2019. Din il-Kummissjoni diġà qed tgħin xi
familji jew persuni li huma fil-bżonn anke fil-kuntest
tal-imxija tal-Covid-19.