32
Battista. Id-disinn tagħhom sar mis-Sur Lawrenz
Zammit Haber u x-xogħol mirqum b’mod fin fil-fidda
sar mill-Artist is-Sur Lawrenz Pace Ferand minn tas-
Sliema. Dakinhar kellhom valur ta’ madwar £300
sterlina. 15 Ħabrek ħafna għal din l-opra l-maħbub
saċerdot Dun Karm Azzopardi.
1957
L-Arċipriet Ġużeppi Grech jikteb li fl-okkażjoni ta’ din
il-festa l-artist Professur Ġużeppi Briffa żebagħ l-istatwa
artistika tal-Battista. 16 Jew forsi ried jgħid irtukkjaha?
Mir-reġistru tal-eżitu nafu li b’rabta ma’ dan ix-xogħol
kienet tħallset is-somma ta’ £35. (per restaurazione della
statua di San Giovanni Battista).
1961
Fil-21 ta’ Ġunju 1961 ġiet imżanżna dijadema taddeheb
fuq ras l-istatwa ta’ San Ġwann, xogħol
l-arġentier Naxxari Ġużeppi Pirotta (imlaqqam il-
Parapajs). L-ispiża qamet £180 u ġabarhom is-Sur
Pawlu Grech mix-Xewkija. 17
1982
Fl-okkażjoni tal-festa ta’ San Ġwann, iżżanżnet u
tbierket il-kristallina ġdida għan-niċċa tiegħu. Ixxogħol
u l-illustrar tal-kewba sar mis-Sur George
Farrugia mir-Rabat Għawdex. Id-disinn li nsibu fil-bażi
tal-kristalla sar mis-Sur Ġużeppi Sagona. L-ispejjeż
kollha tħallsu mill-aħwa Katerina u Marija Theuma. 18
1995
Ħamsa u għoxrin sena ilu, cioè fis-sena 1995, ġie
mmfakkar l-150 sena mill-wasla tal-istatwa artistika
ta’ San Ġwann Battista. Kif mistenni kienu saru festi
15 Ibid., p.41.
16 Ibid., p.68.
17 Ibid., p.73.
18 Gorgion Għadd 25 (Jannar 1983) p.16.
speċjali. Dawn saru bejn il-11 Il-25 ta’ Ġunju. Fost
oħrajn kienet ittellgħet akkademja Mużiko-Letterarja
bis-sehem tal-Banda Prekursur flimkien mal-Kor Vox
Clamantis, Tenur u Baritnu. Fil-final tagħha sar il-ħruġ
tal-istatwa ta’ San Ġwann Battista min-niċċa. Kien ittella’
wkoll spettaklu bl-isem L-Għanja tal-Battista kitba tas-
Sur Laurence Camilleri u produzzjoni ta’ George Mizzi.
Fil-festi Liturġiċi ħadu sehem l-Arċipriet u l-Kapitlu tal-
Kolleġġjata Bażilika tan-Nadur, l-Arċipriet u l-Kapitlu tal-
Kolleġġjata Bażilika ta’ San Ġorġ tar-Rabat, L-Arċipriet u
l-Kapitlu l-Kolleġġjata Bażilika tax-Xagħra, L-Arċidjaknu
u l-Kapitlu tal-Katidral t’Għawdex flimkien ma’ Mons.
Nikol Ġużeppi Cauchi, Isqof tad-Djoċesi. Fil-purċissjoni
li saret nhar il-Ħadd 25 ta’ Ġunju ħadu sehem l-Arċiprieti
u l-Kappillani tal-parroċċi ta’ Għawdex.
Fis-sitta ta’ filgħaxija tal-Ħamis 22 ta’ Ġunju, il-jum eżatt
li fakkar il-150 sena mill-wasla tagħha, l-istatwa ta’ San
Ġwann inħarġet mir-Rotunda u twasslet b’carcade
li għadda minn Triq Indipendenza u Triq l-Imġarr sa
ħdejn il-kappella tal-Madonna Tal-Ħniena, propju
l-post fejn 150 sena qabel kienet bdiet it-translazzjoni
tal-istatwa għall-knisja parrokkjali tax-Xewkija. Il-poplu
Xewki speċjalment ta’ dawk l-inħawi laqgħu l-istatwa
b’ċapċip kbir. Minn hemm beda korteo devot ta’ talb
għar-Rotunda. Ħadu sehem it-tliet Fratellanzi talparroċċa
- dik tal-Madonna tar-Rużarju, tas-Santissimu
Sagrament Imqaddes u ta’ San Ġwann Battista. Il-korteo
kien akkumpanjat mill-Banda Prekursur b’marċijiet u
innijiet reliġjużi. Ir-residenti ta’ Triq San Bert sellmu lil
San Ġwann bi tfigħ ta’ fjuri tul it-triq kollha. Kif l-istatwa
tal-Battista waslet fil-bieb tar-Rotunda ntlaqgħet
bil-kant tal-Antifona u sar id-dħul solenni fit-tempju
dedikat lilu. Wara saret konċelebrazzjoni tat-tieni jum
tat-tridu mmexxi minn Mons. Ġużeppi Curmi flimkien
mal-Arċipriet Mons. Carmelo Mercieca, saċerdoti u
patrijiet Xewkin.
Filgħaxija, saret dimostrazzjoni bl-istatwa ta’ San
Ġwann iż-żgħir li kienet inħadmet 50 sena qabel.
Ta’ min isemmi li f’din is-sena wkoll, kien sar ir-restawr
u induratura ġdida tal-padestall tal-istatwa. Ix-xogħol
sar minn Publiju Magro u sewa Lm 3,500.
2015
Tfakkar il-170 sena mill-miġja tal-istatwa. Fost oħrajn
kien ittella’ fil-pjazza l-feature 170 Sena ta’ Storja mill-
Miġja tal-Istatwa ta’ San Ġwann.
2020
Kif ilkoll nafu matul l-aħħar xhur saru diversi proġetti
u inizjattivi b’rabta mal-175 anniversarju fosthom
ewlieni r-restawr u l-konservazzjoni tal-istess statwa u
l-pedestall tagħha mid-ditta PrevArti. Sar ukoll xogħol
ta’ rinovazzjoni u tisbiħ fuq in-niċċa tal-istatwa. Imma
mhux biss! (Ara rapporti dettaljati ta’ dawn il-proġetti
f’din il-ħarġa stess).