30
It-translazzjoni solenni tal-istatwa l-ġdida ta’ San
Ġwann Battista, nhar it-22 ta’ Ġunju 1845, bil-poplu
jħallas l-ispejjeż kollha.
Għal din it-translazzjoni ngħata bidu fis-2.30pm
tal-jum imsemmi, liema saret bil-pompa kollha millknisja
ta’ San Bartilmew Appostlu lejn din il-knisja
parrokkjali ta’ San Ġwann Battista, diġà mżejna
b’mod mill-iktar nobbli, bl-akkumpanjament flimkien
mal-Kappillan ta’ dan ir-raħal Dun Nikol Vella u
tal-Kappillan Ta’ Sannat Dun Alessandru Cauchi 5 u
Dun Pawl Grech, Vigarju Kurat tal-istess Kappillan
Dun Nikol Vella, filwaqt/peress li m’attendewx,
anke jekk kienu mistiedna, il-kappillani l-oħra, blakkumpanjament
ukoll ta’ numru kbir ta’ kleru mir-
Rabat u l-irħula u l-fratellanzi ta’ din il-parroċċa, fost
il-kant devot tas-saċerdoti, id-daqq festiv tal-Bronż
Qaddis 6 , id-daqq armonjuż tal-banda u sparar ta’
murtaletti.
Il-pass imqit, il-postura, kollox kien jispira pjetà
u devozzjoni. Wara li ntemmet il-purċissjoni ġiet
inċensata miċ-ċelebrant, waqt li l-kor tal-mużiċisti
esegwixxa antifona sabiħa u wara l-versett iċċelebrant
kanta l-Orazzjoni (it-Talba). Fl-aħħar ilbarka
bis-Santissimu Sagrament.
Fl-aħħar nett filgħaxija (saret) illuminazzjoni
(mixegħla tad-dawl), daqq ta’ banda, ġigġifogu u
mbagħad saret serata festiva.
(Fit-traduzzjonijiet ma sarux bidliet li jakkomodaw lis-sintassi Maltija.
Dan sabiex tibqa’ r-rabta mat-tifsira oriġinali bit-Taljan)
L-istatwa mbagħad inħarġet proċessjonalment għallewwel
darba jumejn, jiġifieri f’jum is-solennità liturġika
tat-twelid tal-Għammiedi, it-Tlieta 24 ta’ Ġunju 1845.
Niftakru li dak iż-żmien il-festa kienet tiġi ċċelebrata
fil-jum propju tagħha.
1848
Inħadem is-salib tal-istatwa fil-fidda u ġie bbanjat fiddeheb
minn Saverio Cannataci fl-1848, tliet snin wara
l-wasla tal-istatwa 7 . Ta’ min jgħid li Saverio Cannataci
ħa l-bolla bħala arġentier fl-1806 u sar konslu tal-fidda
u d-deheb fl-1848, l-istess sena li fiha ħadem is-salib
ta’ San Ġwann. 8
1854
Mir-reġistru tal-eżitu nafu li fis-sena 1854, l-istatwa
ta’ San Ġwann kienet reġgħet nżebgħet, u għal dan
il-għan kienet tħallset is-somma ta’ tmintax-il skud ‘...
per nuova tintaura della statua di San Giovanni Battista
.. sc 18. 9 Din kienet inżebgħet mill-istess Pietru Pawl
Azzopardi u l-irċevuta datata 20 t’Awwissu 1854 ġiet
iffirmata f’isem missieru minn ibnu Ġużeppi. 10
5 Il-Kappillan Ta’ Sannat Dun Alessandru Cauchi kien mix-
Xewkija u x’aktarx li għalhekk kien l-uniku fost il-kappillani
l-oħra kollha li attenda.
6 Bit-terminu ‘bronż qaddis’ qed jirreferi għall-qniepen li dak iżżmien
kienu jiġu kkonsagrati (mhux biss imbierka) b’rit apposta.
7 Dettall skopert reċentament mill-bull li nsibu fuq l-istess salib.
8 Tagħrif miksub minn George Farrugia.
9 Grazio Grech, L-Għammiedi 170 Sena L-Għaxqa Tax-Xewkin,
2015, pġ 20.
10 Stanley Mangion u Christopher Magro, Skulturi Maltin tal-
Iskola Spanjola (Print Right Ltd; 2013) pġ. 79-80