25
ħalla miktub li, li kieku ma kienx għal ibnu Giuseppe,
kien ikollu jbigħ ġidu biex jgħix.
Huwa miet b’puplesija nhar l-24 ta’ Ottubru 1875, flgħomor
ta’ 84 sena. Ġie mogħti l-aħħar tislima funebri
fil-knisja parrokkjali ta’ Ħal Tarxien fejn ġie midfun.
Castagna fil-pubblikazzjoni storika tiegħu tal-1890
L-Istorja ta’ Malta bil-Gżejjer Tagħha, jgħidilna wkoll li
Azzopardi kien skultur tar-Re Ferdinandu II ta’ Spanja.
Dan juri li kien kiseb fama artistika kbira anke barra
minn xtutna.
Il-biċċa l-kbira tal-istatwi li skolpa u żebagħ Pietru Pawl,
kienu fuq disinn tiegħu stess. Jidher ukoll li l-aktar li
skolpa kien fl-injam. Kien f’dan il-materjal ukoll li ħareġ
l-aħjar xogħlijiet tiegħu.
Nagħmlu elenku ta’ wħud mix-xogħlijiet ewlenin
tiegħu. Nibdew minn dawk li nsibu Malta u mbagħad
insemmu dawk li nsibu fil-gżira Għawdxija. Kif wieħed
jista’ jinnota bosta huma x-xogħlijiet fil-parroċċa tiegħu
stess, dik ta’ Bormla. Imma nsibu oħrajn mifruxin flirħula
u fil-bliet Maltin:
· L-ewwel statwa li ħadem kienet statwa tar-Redentur,
li Pietru Pawl skolpa fl-1808 fil-ġebla Maltija, għallkappella
ta’ Santu Rokku f’Ħal Għaxaq.
· Fl-1816 huwa skolpa statwa ta’ Santa Katerina,
ukoll fil-ġebel li tinsab f’niċċa fi triq fiż-Żurrieq.
· Fl-1828 naqqax l-ewwel xogħol artistiku kbir, li
nistgħu ngħidu kien il-bidu ta’ mixja li għolliet ismu,
statwa tal-Madonna tar-Rużarju għall-konfraternità
tar-Rużarju ta’ Bormla.
· Fl-1833 kien ikkummissjonat jaħdem santu korp,
jiġifieri statwa li fiha jitqiegħdu r-relikwi ta’ qaddis.
Dan sar mill-Parroċċa ta’ Ħal Luqa għall-korp sant ta’
San Feliċissimu.
L-ewwel xogħol importanti,
Statwa Madonna tar-Rużarju, Bormla
Il-Karriera Tiegħu
L-Istoriku P.P. Castagna li kien jgħix fi żmienu, jgħidilna
li Pietru Pawl beda l-karriera tiegħu jiskolpixxi puleni li
jsebbħu l-iġfna. Naħsbu li kien jaħdem ukoll xogħol ta’
mastrudaxxa. Fiċ-ċert huwa kien ħadem il-bieb il-kbir
tal-knisja ta’ San Ġorġ tar-Rabat Għawdex li llum jinsab
fis-sagristija tal-istess knisja. Nafu fiż-żgur li qabel sab
postu fl-arti tal-iskultura tal-injam, huwa kien skarpan
u negozjant taż-żraben.
Kif tennejna aktar qabel, Pietru Pawl kien aljev ta’
Marjanu Gerada. Dan Gerada kien trawwam fis-sengħa
f’Valenzja fi Spanja fejn kien mar meta kien għadu
żagħżugħ. Hemmhekk huwa kien student tal-Iskultur
José Esteve Bonet. Nafu li l-istess Pietru Pawl kien
aktar tard akkwista numru ta’ għodod tal-arti tal-istess
Gerada wara mewtu. Huwa kompla wkoll numru ta’
xogħlijiet ta’ Gerada meta dan ġie nieqes ħabta u sabta
fl-24 ta’ Jannar 1823.
· Fl-1834 huwa ħadem l-istatwa ta’ Kristu marbut
mal-kolonna għall-konfraternità tas-Salib Imqaddes
fil-knisja ta’ Ġieżu l-Belt.
· Bejn 1838 u l-1839 fuq kummissjoni tal-fratellanza
tas-Salib Imqaddes ta’ Bormla ħadem żewġ statwi
oħra, waħda ta’ Kristu marbut mal-kolonna u l-oħra
tal-Ecce Homo.
· Fis-sena 1843 huwa ħadem l-istatwa ta’ San Ġużepp
għall-konfraternità tal-istess qaddis f’ Bormla wkoll.
· Tliet snin wara fl-1846 huwa ħadem l-istatwa ta’
Sant’Agata għall-istess knisja.
· Fl-1853 ħadem l-istatwa tal-Bambina għall-parroċċa
tal-Mellieħa.
· Fl- 1856 ħadem statwa tar- Redentur għallkonfraternità
tas-Salib Imqaddes ta’ Bormla.
· Fl-1858 huwa skolpa fil-ġebel l-istatwi tal-profeti
San Elija u San Eliżew għall-kunvent tal-Karmelitani
fil-Belt Valletta.
· Fl-1865, Mastru Pawl naqqax l-aħħar opra tiegħu,
l-istatwa ta’ San Mikiel għal Ħal Qormi. Waqt dan ixxogħol
meta kellu 74 sena, Pietru Pawl marad.