22
175 sena fostna
Dun Nikol Vella
(17 t’april 1765 - 20 ta’ ġunJu 1850)
kappillan beJn l-1803 u l-1850
Il-Kappillan li fi żmienu nġabet l-istatwa
Nikol Vella jew aktar eżatt Nikol Ġużeppi kif insibuh
imniżżel fir-reġistru tal-magħmudija, twieled fil-
Parroċċa tal-Viżitazzjoni tal-Għarb f’Għawdex fis-17 ta’
April 1765 lil Pawlu u Franġiska mwielda Gauci.
Pawlu u Franġiska kienu żżewġu fit-12 t’Awwissu 1754.
Insibu dokumentat fir-reġistri tal-Parroċċa tal-Għarb
li ommu Franġiska (bint Ġużepp Gauci) kienet diġà
armla b’żewġ ulied (Angelica u Rosa) mill-ewwel żwieġ
tagħha ma’ Mikiel Mizzi meta daħlet għal dan it-tieni
żwieġ. 1
Dun Nikol kien is-seba’ wild fil-familja fost tmienja.
Irridu ngħidu però li wħud minn ħutu mietu ftit wara
li twieldu. F’ordni kronoloġika l-ulied kienu dawn:
Clementia (14 ta’ Marzu 1755), Clementia (16 ta’ Jannar
1756), Cosimo (4 ta’ Lulju 1758), Clementia (12 ta’ Frar
1760), Giovanni Battista (22 ta’ Jannar 1762), Govanna
(26 ta’ Jannar 1763), Nikola Ġużeppi (17 t’April 1765)
u Anna (21 ta’ Mejju 1767) li kienu jsejħulha bit-tielet
isem tagħha Ġużeppa.
Kif kienet in-norma dak iż-żmien, huwa tgħammed
fl-istess jum ta’ twelidu f’dik li llum hi l-Kolleġġjata,
Matriċi u Bażilika tal-Għarb mill-Kappillan Dun Lawrenz
Axiaq. 2 Wieħed mill-parrinijiet fil-magħmudija tiegħu
kien zijuh Dun Nikol, ħu missieru, li inċidentalment kien
ukoll saċerdot u saħansitra bl-istess isem tiegħu. Irċieva
l-Griżma tal-Isqof fit-30 ta’ Settembru 1773 mill-Isqof
Mons. Giovanni Pellerano. F’dan is-sagrament il-parrinu
tiegħu kien il-Kappillan Lawrenz Axiaq.
Isem il-Kappillan kif insibuh fir-reġistru tat-twelid
Tfulitu u żgħożitu ma kinux mill-aktar feliċi. Ma
tantx kellu x-xorti jgawdi lill-ġenituri tiegħu. Fil-5 ta’
Diċembru 1774, fl-età tenera ta’ 9 snin kien diġà tilef lil
missieru Pawlu u lil ommu Franġiska tilifha meta kellu
biss 25 sena, disat ijiem biss wara li ġie ordnat saċerdot.
Fil-fatt huwa ġie ordnat saċerdot fit-13 ta’ Diċembru
1790 mill-Isqof Mons. Labini u ommu ngħaqdet mal-
Ħallieq fit-22 ta’ Diċembru fl-età ta’ 69 sena.
Meta Dun Nikol Vella, għamel il-konkors biex jinħatar
kappillan tal-Parroċċa tax-Xewkija, kiteb hekk fuqu
nnifsu:
“Għallimt it-tagħlim Nisrani lit-tfal għal għaxar snin
fil-knisja filjali ta’ San Ġakbu. Għal għaxar snin oħra
għallimt l-iskola, parti fid-dar tiegħi u parti oħra
fil-Kulleġġ ta’ Għawdex. Tajt is-servizz tiegħi għal
sentejn flimkien ma’ saċerdoti oħra fil-knisja ta’ San
Ġorġ. Għamilt l-eżerċizzji spiritwali fil-knisja ta’ San
Ġakbu; ippritkajt kemm-il darba n-novena tal-Milied
u għamilt ukoll il-ġimgħat ta’ qabel il-festa tad-
Duluri, mingħajr ħlas, fl-istess knisja.