16
moħqrija lejn il-ħelsien sħiħ.” It-tama tagħna f’Alla hija
dejjem l-aħħar imma rebbieħa.
(3) Il-Mulej “qajjem għalina qawwa ta’ salvazzjoni”.
In-Nisrani jinsab afdat bil-qawwa ta’ Alla u li ebda
potenza qawwija ma tista’ tirbaħ. Hemm formula
ta’ affidament fil-qawwa ta’ Alla u ta’ ibnu Ġesù. Fil-
Vanġelu apokrifu ta’ Filippu wieħed jaqra hekk: “Jekk
inti tgħid, jiena Għebrew ħadd ma jikkommovi ruħu;
jekk inti tgħid jiena Ruman, ħadd ma jinfixel; jekk inti
tgħid jiena Grieg, skjav, jew ħieles ħadd ma jinħasad.
Imma jekk inti tgħid jiena Nisrani, id-dinja titriegħed.
Nista’ forsi jien ikolli isem akbar minn dan!” (II,62, 27-
35). Is-salvazzjoni li hemm imsemmija fil-Benedictus,
hija ħelsien “mill-għedewwa tagħna u minn idejn
dawk kollha li jobgħoduna” (v 71).
(4) “Waqqaf għalina qawwa ta’ salvazzjoni f’dar David
qaddej tiegħu, b’fomm il-profeti qaddisin tiegħu” (v
69-70).Il-patt li sar ma’ David u l-familja tiegħu kien
imbassar mill-Profeta Natan. (2 Sam, 7). Din il-profezija
tifforma l-pedament tat-tama messjanika. Aħna nafu li
ninsabu mdaħħlin fi pjan ta’ paċi u ferħ. Għad jasal jum
meta “tħaddar f’jiemu l-ġustizzja u sliem kotran; ikun
kotran il-qamħ fuq l-art, jogħla sal-quċċata tal-għoljiet”
(Sl 72,7.16). Dan ix-xefaq ta’ għana u sliem jinawgurah
il-Messija Kristu, iben David, il-ġebla mwarrba millbennejja
imma li saret il-ġebla tax-xewka.
(5) Il-Mulej “wera ħniena ma’ missirijietna” (v72).
Hawn il-kelma miserikordja, qed tirreferi għall-kelma
bil-Lhudi hesed, fedeltà, grazzja, imħabba. Dan ilvokabularju
tal-patt, fit-Testment il-Qadim qiegħed
użat għal 245 darba. Fil-Ħallel il-Kbir, tas-salm 136,
dejjem hemm tirrepeti din il-kelma “għax għal dejjem
hi t-tjieba tiegħu” (Sl 136). Alla tagħna huwa fidil għal
kelmtu, tant li anke meta l-bniedem jitbiegħed minn
ħdejH, dan Alla xorta waħda jibqa’ jiġri warajh sa
kemm jirritorna ħdejh u miegħu.
(6) “U jiftakar fil-patt qaddis tiegħu” (v 73). Bl-Ebrajk
il-verb tiftakar – zakar – għandu eku dirett mal-isem
Żakkarija. Ir-rivelazzjoni biblika u storika li saret matul
il-mixja tas-snin tissawwar f’bosta atti storiċi li dawn
għandhom iż-żerriegħa f’dak
li hu divin u etern. Alla iva
għadu “jiftakar” fina kull darba
li jiġu ripetuti l-interventi
tas-salvazzjoni. Hekk ikun
ikompli jiġi restawrat il-patt li
sar ma’ Abraham. Il-bniedem
imbagħad għandu jwieġeb bliva
tiegħu fil-liturġija, tifkira ta’
tifħir, radd il-ħajr u ferħ lil Alla.
Il-Benedictus bil-lingwa Maltija li nsibu mal-ħajt faċċata
tal-knisja tan-Natività ta’ Ġwanni l-Battista f’Ein Karem.
(7) Alla jiftakar “fil-ħalfa li
ħalef lil Abraham missierna.”
Il-kelma “ħalfa” l-eku tagħha
fl-isem ta’ ‘Eliżabetta” li tfisser
“il-Mulej ħalef.” Hawn kollox
ifakkar fil-figura ta’ Abraham
“missierna fil-fidi.” Hekk jisħaq
San Pawl (Rum 4). “Hawn jien.
Ara l-patt tiegħi miegħek.” Int
tkun missier ta’ ħafna ġnus”
(Ġen 17,4). “Naħlef fuq ruħi
– oraklu tal-Mulej – ladarba
int għamilt ħaġa bħal din u
ma ċħadtnix minn ibnek ilwaħdieni,
jien imbierkek żgur
u nkattarlek sewwa lil nislek
bħall-kwiekeb tas-sema u
bħar-ramel f’xatt il-baħar. U
jitbierku f’nislek il-ġnus kollha
tal-art talli smajt minn kelmti”
(Ġen 22,16-18). Kristu l-Messija,
iben Abraham ixandar
is-salvazzjoni kemm lil dawk
tal-qrib u lil dawk tal-bogħod.