13
qabżet ommu u qalet: “Le, iżda Ġwanni jkun jismu.”
Il-ġirien ma qablux magħha u staqsew bis-sinjali
lil missieru Żakkarija x’ried isemmih u talabhom
xi ħaġa fuqhiex jikteb u kiteb hekk: “Ismu huwa
Ġwanni.” U kulħadd baqa’ mistagħġeb.” (Lq 1:
59-64). ** Bl-istess mod, Luqa jirrakkonta l-ġrajja
taċ-ċerimonja taċ-ċirkonċiżjoni ta’ Ġesù u l-għoti
ritwali ta’ ismu: “Meta wasal it-tmien jum biex lit-tifel
jagħmlulu ċ-ċirkonċiżjoni, semmewh Ġesù, bl-isem
li kien tah l-anġlu qabel ma tnissel fil-ġuf.” (Lq 2: 21)
11. Luqa jsemmi għadd ta’ profeziji fuq Ġwanni.
Meta l-Anġlu Gabrijel deher lil Żakkarija u qallu li
t-talba tiegħu nstemgħet u li martu kien ser ikollha
iben li jsemmuh Ġwanni. “Din tkun għalik ħaġa li
tqanqlek bil-ferħ u thennik ħafna u jkun hemm
bosta li jifirħu bit-twelid tat-tifel għax hu jkun kbir
quddiem il-Mulej; ma jkun jixrob ebda nbid jew
xorb qawwi u jimtela bi spirtu qaddis sa minn ġuf
ommu. Huwa jreġġa’ lil ħafna minn ulied Iżrael
lejn il-Mulej Alla tagħhom u hu ġej qabel il-Mulej,
mimli bl-ispirtu u l-qawwa ta’ Elija, biex ireġġa’
l-qlub tal-missirijiet lejn uliedhom u lil dawk li ma
jridux jobdu jreġġagħhom għall-għaqal tal-ġusti,
ħalli jlesti poplu mħejji sewwa għall-Mulej.” (Lq
1:14-17). Anke Żakkarija, missier Ġwanni, mimli
bl-Ispirtu s-Santu, jħabbar hekk dwar ibnu: “U inti
tfajjel, tissejjaħ profeta tal-aktar Għoli, għax tmur
qabel il-Mulej biex tħejjilu triqatu u tgħarraf lillpoplu
tiegħu bis-salvazzjoni permezz tal-maħfra
ta’ dnubiethom, mogħtija mill-qalb ħanina ta’
Alla tagħna, li mill-għoli jiġi jżurna bħax-xemx
tielgħa; u jdawwal lil min jinsab fid-dlamijiet u
d-dell tal-mewt u jmexxi l-passi tagħna fit-triq
tas-sliem.” (Lq 1:76-79). ** Anke fil-każ ta’ Ġesù,
Luqa jirreġistra diversi profeziji: Lil Marija, l-Anġlu
Gabrijel jħabbrilha: “Hu jkun kbir u jkun jissejjaħ
Bin l-Għoli. Il-Mulej Alla jagħtih it-tron ta’ David
missieru u jsaltan għal dejjem fuq dar Ġakobb u
ma jkunx hemm tmiem għas-saltna tiegħu.” (Lq
1:32-33). Wara li Marija staqsiet lill-Anġlu Gabrijel
kif kien ser iseħħ dan, huwa jħabbrilha: “L-Ispirtu
s-Santu jiġi fuqek u l-qawwa tal-Għoli tixħet iddell
tagħha fuqek. U għalhekk, dak li jitwieled
minnek ikun qaddis u jissejjaħ Bin Alla.” (Lq 1:35).
Lir-rgħajja, l-anġlu tal-Mulej iħabbrilhom: “Illum, filbelt
ta’ David, tweldilkom Salvatur, li hu l-Messija, il-
Mulej.”(Lq 2:11). Il-Profeta Xmun fil-preżentazzjoni
ta’ Ġesù fit-tempju, iħabbar: “Issa, O Sid, tista’ tħalli
l-qaddej tiegħek imur fis-sliem skont kelmtek,
għaliex għajnejja raw is-salvazzjoni tiegħek li int
ħejjejt għall-popli kollha, dawl biex idawwal ilġnus,
u glorja tal-poplu tiegħek Iżrael.” (Lq 2: 30-32)
12. Meta Luqa jitkellem dwar il-progress ta’ Ġwanni
mit-tfulija għall-maturità, f’sentenza waħda jiġbor
kollox: “It-tifel kiber u ssaħħaħ f’ruħu u baqa’
jgħix fid-deżert sa dakinhar li ħareġ quddiem
Iżrael.” ** (Lq 1:80). Hekk ukoll, Luqa ġabar filqosor
f’sentenza l-progress ta’ Ġesù mit-tfulija
għall-maturità fit-tmiem ir-rakkont tal-infanzja ta’
Ġesù. Wara r-rakkont tal-preżentazzjoni ta’ Ġesù
fit-tempju, Luqa jagħlaq b’din is-sentenza: “Meta
temmew kull ma kellhom jagħmlu skont il-liġi tal-