106
farà la prima sua comparsa in pubblico in questa
occasione’ u ‘...l-banda l-ġdida Banda Prekursur talistess
raħal toħroġ fil-pubbliku għall-ewwel darba
biex tagħmel id-dimostrazzjoni tal-istatwa.’ Fil-fatt,
fl-aħħar jum tat-tridu, il-Banda Prekursur ħadet
sehem fid-dimostrazzjoni bl-istatwa ta’ San Ġwann
jgħammed lil Kristu, u wara esegwiet programm
mużikali, ‘L’ultimo giorno del triduo la nuova filarmonica
del Xeukija ‘Il Precorsore’ condurra a suon di marcia,
alle ore 8 p.m. la statua di S. Giovanni battezzante il
Salvatore, indi eseguirà un uno scelto programma.’
Tajjeb ninnota hawn li l-istatwa li biha saret iddimostrazzjoni
fl-1930 mill-Banda Prekursur hi l-istess
statwa li fil-preżent tittella’ fuq il-pedestall fil-pjazza
prinċipali tar-raħal. Din l-istatwa hi xogħol tal-Kav.
Wistin Camlleri u żżanżnet fil-festa tas-sena 1927. Din
ħadet post l-istatwa ta’ San Ġwann, magħruf bħala
Iċ-Ċavett, li fil-preżent tittella’ fi Triq il-Ħamrija, li hija
wkoll xogħol ta’ W. Camilleri u żżanżnet fis-sena 1912.
Kif diġà rajna, fil-festa tas-sena 1930, barra l-Banda
Prekursur, ħadet sehem ukoll il-Banda Leone tal-Belt
Victoria. Is-servizzi tal-Banda Leone kienu lejlet u nhar
il-festa. Ta’ dawn is-servizzi l-Banda Leone tħallset issomma
ta’ ħdax-il lira.
1950 - 70 sena ilu
Il-festa tas-sena 1950 hija wkoll festa memorabbli. Ilfesti
f’din is-sena saru mill-21 sal-25 ta’ Ġunju. Il-prietki
tat-tridu saru minn Patri Tarciso Xerri O.F.M. li tħallas
is-somma ta’ tliet liri u ħmistax-il xelin. Il-paniġierku
ta’ filgħodu sar mill-Isqof Titulari ta’ Tralles, Monsinjur
Emnanuele Galea. Ta’ dan u tal-vettura, Mons. Galea
tħallas is-somma ta’ tliet liri u ħmistax-il xelin. Ilpaniġierku
ta’ filgħaxija sar minn Patri Pawlo Pisani
O.C.M. Ta’ dan u tal-vettura, Patri Pisani tħallas is-somma
ta’ żewġ liri u ħames xelini. Għall-vettura li wasslet lill-
Isqof u l-Kanoniċi għall-festa tħallset is-somma ta’ £2 10s.
L-organista li ħa sehem waqt il-matutin tħallas tnaxil
xelin u nofs, waqt li dawk li daqqew l-ewfoji u
l-kontrabaxx, ħadu ħames xelini. Ġanni Haber u oħrajn
li ħadu sehem fin-novena u l-matutin ħadu bejniethom
ħmistax-il xelin. Il-mużika li ħadet sehem matul il-jiem
tal-festa, inkluż ukoll il-matutin, u responsarji, kienet ta’
Mro Ġanni Vella u tas-servizzi li tat tħallset is-somma
ta’ £37.
Żakkarija u sħabu, talli żejnu l-knisja, il-pjazza prinċipali,
il-palk u xi spejjeż oħra, laħqet is-somma ta’ £34. Nikola
Agius, tal-mixgħela ġenerali b’656 bozza, tħallas issomma
ta’ £40. Għal-logħob tan-nar tħallsu, Anton Cilia
£29 10s, waqt li Ninu Farrugia tħallas £9 18s.
Fil-festi ta’ barra ħadu sehem iż-żewġ Baned Ċittadini
Leone u La Stella. Il-Banda Leone ħadet sehem fit-tlett
ijiem tal-festa, jiġifieri: il-Ġimgħa, fid-dimostrazzjoni
bl-istatwa tal-Għammiedi, is-Sibt u l-Ħadd, f’lejlet u
nhar il-festa. Lejlet il-festa, il-Banda Leone esegwiet
programm mużikali, waqt li f’nhar il-festa, akkumpanjat
il-purċissjoni. Ta’ dawn is-servizzi tħallset is-somma
ta’ £46. Matul is-servizzi, il-bandisti tal-istess banda
ngħataw diversi bibiti li swew is-somma ta’ £6 10s.
Lejlet il-festa tas-sena 1930, l-Arċipriet bierek ħames
standardi li kellha l-Banda Prekursur u wara daret mattoroq
ewlenin tax-Xewkija ‘...l’Arciprete benedica cinque
gonfaloni della nuova Filarmonica.’ F’nhar il-festa saru
diversi marċi u programmi mużikali, kemm mill-Banda
Prekursur u kemm mill-Banda Leone, ‘...Filarmoniche ‘Il
Precursore’ e ‘Il Leone’ percorreranno diverse volte a suon
di marcia le vie del Casale.’ Dawn il-festi kienu għalqu bi
programm mużikali fuq palk sabiħ u wara, bil-ħruq tannar,
‘dopo la processione un’altro programma musicale
e guochi pirotechnici.’
Mill-banda l-oħra, f’din il-festa, il-Banda La Stella
għamlet żewġ servizzi, u tħallset is-somma ta’ £32. Iżżewġ
bibiti li ngħataw lill-bandisti tal-Banda La Stella
ammontaw għas-somma ta’ £5.
Ta’ min jinota li kien f’din il-festa li żżanżan l-innu
La Natività di San Giovanni Battista. Dan l-innu hu
kompożizzjoni mużikali tas-Surmast Indrì Borg, waqt
li l-versi tiegħu huma tas-Sur Ġużeppi Serafin Cutajar.
Matul din il-festa, dan l-innu kien indaqq miż-żewġ
baned tal-Belt Victoria Leone u La Stella.