107
Minkejja li fil-programm ma hemmx min daqq dan
l-innu lejlet u nhar il-festa, madankollu, dan joħroġ
ċar fis-snin ta’ wara. Mill-1951 sal-1955, kienet il-Banda
Leone li daqqet dan l-innu lejlet il-festa, waqt li l-Banda
La Stella daqqitu f’nhar il-festa fis-snin 1951 u mill-1953
sal-1955.
Fis-sena 1952, il-Banda Leone daqqet dan l-innu,
kemm lejlet, kemm f’nhar il-festa. Fl-esekuzzjoni ta’
nhar il-festa tas-sena 1952, il-Banda Leone kienet taħt
id-direzzjoni tal-kompożitur ta’ dan l-innu, Mro Indrì
Borg. Mis-sena 1956 u għal għadd ta’ snin wara, kienet
il-Banda Leone li esegwiet dan l-innu, kemm f’lejlet u
kemm f’nhar il-festa tal-Battista.
Fl-esekuzzjoni ta’ dan l-innu fis-sena 1950, kienu ħadu
sehem tenur u baritnu Maltin, li ta’ żewġ servizzi tħallsu
s-somma ta’ £7 10s, inkluż dak tal-vettura. Il-Banda
Prekursur bdiet tesegwixxi dan l-innu mis-sena 1970
’l hawn.
il-Prekursur - Banda u Festa
Ta’ Grazio A. Grech
Fl-okkażjoni tal-festa ta’ San Ġwann Battista ta’
din is-sena, il-kittieb u storiku Grazio A. Grech,
qed iniedi pubblikazzjoni ġdida bl-isem ta’ Il-
Prekursur – Banda u Festa. Din il-pubblikazzjoni,
li fiha madwar mija u sitta u sebgħin faċċata,
hija maqsuma fi tliet partijiet prinċipali.
L-ewwel parti tinkludi l-Istorja dokumentata
tal-Banda Prekursur, filwaqt li anke tagħti
ħarsa lejn aspetti soċjokulturali, mużikali u
reliġjużi marbuta ma’ din l-istess soċjetà. Ta’
interess partikolari hija d-dokumentazzjoni
tas-servizzi li l-istess Banda Prekursur għamlet
matul is-snin, mhux biss fix-Xewkija, iżda wkoll
fi rħula oħrajn Għawdxin, Maltin u anke barra
minn Malta. It-tieni parti tkopri l-festi marbuta
mal-qaddis protettur San Ġwann Battista fix-
Xewkija. Hawn insibu informazzjoni dwar
il-mużika tal-knisja, il-Maestri di Cappella u
anke tagħrif dwar baned Għawdxin u Maltin
li pparteċipaw f’din il-festa. Fl-aħħar taqsima
nsibu erba’ bijografiji ta’ personaġġi marbuta
sew mal-qasam mużikali Xewki.
Din il-pubblikazzjoni qed tfakkar u tiċċelebra
wkoll il-175 sena mill-wasla tal-istatwa ta’
San Ġwann Battista fostna, id-90 sena minn
mindu l-Banda Prekursur bdiet tieħu sehem
fil-festa ta’ San Ġwann u s-70 sena miż-żanżin
tal-innu Per Natività di San Giovanni Battista.
Kull min jixtieq jakkwista kopja ta’ dan il-ktieb
għandu jikkuntattja lil Anthony Grech fuq 79271924.
il-ktieb qed jinbiegħ għall-prezz ta’ €20.