100
kelMa Mas-seMinaristi
Matthew Attard
semInarIst
Jien
Jien Matthew Attard. Għandi 21 sena u bħalissa ninsab
fit-tieni sena tal-formazzjoni ġewwa s-Seminarju
Maġġuri tal-Qalb ta’ Ġesù.
Ix-Xewkija
Ix-Xewkija huwa raħal twelidi. Raħal imżejjen b’ħafna
persuni li bil-għajnuna tagħhom wasalt fejn jien
illum. Kien propju minn dan ir-raħal li fiha nżergħet
iż-żerriegħa tal-vokazzjoni saċerdotali. Inħossni kburi
li jien mix-Xewkija.
San Ġwann
Meta nisma’ b’dan l-isem moħħi jmur fuq il-figura
ta’ raġel jgħallem lin-nies ġewwa d-deżert. Tolqotni
l-insistenza tal-Battista li biex f’kull sitwazzjoni jneħħi
l-attenzjoni minn fuqu u jitfagħha fuq Ġesù. Frażi li
ħarġet minn fomm dan il-qaddis patrun tagħna u li
ġġegħelni nirrifletti ħafna hi: “Dan Hu l-ferħ li bih qalbi
mtliet!”[Ġw 3:29].
It-Talb
Inħoss li t-talb huwa xi ħaġa essenzjali fil-ħajja ta’
seminarista. Bħalma l-bniedem irid imantni lilu nnifsu
permezz tal-ikel, hekk ukoll ir-ruħ trid tmantni lilha nnifisha.
Huwa biss permezz tat-talb li persuna tista’ tibqa’ soda
fit-triq li tkun miexja u fl-istess waqt tegħleb id-diversi
tentazzjonijiet li jistgħu jittantawha matul l-istess triq.
Social Distancing
Dan it-terminu naħseb ilkoll kemm aħna xbajna
nisimgħuh! Madanakollu, għalkemm xbajna minnu
jibqa’ xorta waħda xi ħaġa essenzjali. Is-social distancing
daqs kemm hu kapaċi jkun ta’ benefiċċju, hekk ukoll
kapaċi jkun ta’ detriment għall-umanità. Min jaf kemmil
darba nevitaw li nkunu f’kuntatt ma’ persuni frott
is-suppervja tagħna jew inkella bqajna ’l bogħod minn
dawk li suppost huma l-aktar qrib tagħna.
l-quddiesa. Għalhekk issa saret aktar faċli li nitbiegħdu
u nżommu r-relazzjoni tagħna ma’ Alla ’l bogħod kemm
jista’ jkun. Żgur mhux forsi li dan iż-żmien biddel il-mod
ta’ kif nirrelataw miegħu. Int kif sibtek? Mort għall-aħjar
jew għall-agħar?
COVID-19
Din il-pandemija, affettwat xi ftit jew wisq lil kull wieħed
u waħda minna. Din il-marda ġagħlitni nsir aktar konxju
tal-fraġilità ta’ ħajja li ngħixu fiha. Filli kulħadd għaddej
bix-xogħol tiegħu u f’daqqa waħda m’għad fadal
imkien fejn tmur. Kważi kważi tibża’ tmur fejn persuna
oħra għax tibża’ li se tinfetta ruħek minnha.
Festa
Żgur m’iniex waħdi li bħalissa ninsab b’ċertu diqa
ġewwa fija. Kemm kont fuq ix-xwiek biex nilqa’ lil San
Ġwann ġewwa raħalna wara li għadda mir-restawr!
Kemm ilni nixtieq li għal darba oħra nerġa’ nisma’ l-innu
marċ jindaqq mill-Banda Prekursur! Din is-sena minn
fuq YouTube se jkolli nisimgħu! Hekk ukoll l-antifona!
Ser ikollna nistennew is-sena d-dieħla.
Ferħ
Ejjew ma nħallux il-ħsieb tal-festa jnikkitna. Huwa
minnu li l-ferħ li konna nħossu xħin naraw l-armar
jiżżejjen u li permezz tiegħu r-raħal jieħu l-kulur li
jixraqlu ma nistgħux nesperjenzawh. Imma hemm
ferħ li jekk noqogħdu attenti għalih, ħadd ma jista’
jeħodulna. Dan huwa l-ferħ li hemm ġewwa l-qalb
tagħna. Il-ferħ imdawwar b’nar iħeġġeġ bl-imħabba
għall-patrun tagħna San Ġwann. Ejjew niftakru filkobor
ta’ dan il-qaddis, li “fost ulied in-nisa ma hemm
ħadd akbar minnu”. Ejjew ma ninsewx il-mod ta’ kif
missirijietna wrew il-ġieħ u l-qima lil dan il-qaddis.
Ejjew niftakru li l-ewwel raħal ta’ din il-gżira għażel
propju lilu biex ikun hu l-patrun u d-difensur tagħna!
VIVA SAN ĠWANN BATTISTA!
Alla
It-terminu tas-social distancing jista’ jgħodd anke għal
Alla. Dan iż-żmien ħaffifilna l-mod ta’ kif aħna nisimgħu