90
Tislima min Ontario
-m
il
le ħe n
jiktbilna mill-Canada, Dun Joseph Grima
ju n a r ji x e w
n
ki
i ss
Ħbieb Xewkin,
Ġunju reġa’ qiegħed magħna, u bla dubju tiġi f’moħħna l-festa tagħna tant mistennija
sena wara l-oħra tal-maħbub patrun tagħna San Ġwann Battista.
Din is-sena nagħlaq 15-il sena saċerdozju, nirringrazzja lill-Mulej ta’ kull mument f’din il-mixja. Il-Kanada, iktar
minn qatt qabel, saret art tal-missjoni, fejn il-knisja t’hawnhekk, bħal postijiet oħra, qed tħabbat wiċċha ma’
diversi sfidi ta’ sekularizzazzjoni sfrenat u indifferenza marida li ġġib ħafna konfużjoni u bruda. Inħossu wkoll
in-nuqqas ta’ vokazzjonijiet, fid-djocesi ta’ Toronto, bħal f’inħawi oħra fid-dinja. Biss il-Mulej dejjem jipprovdi
ħaddiema għall-għalqa, u jgħinna niġġieldu din il-bruda b’qawwa u poter spiritwali.
Bħalissa ninsab ġewwa parroċċa ddedikata lil San Franġisk de Sales. Ilni hawn sentejn. Hija parroċċa kbira b’5400
familja reġistrati. Maġġoranza familji żgħar u għadhom jibdew. Ftit ikolli ħin personali u dejjem ġlieda kontra
l-ħin li verament itir u ma jistenna lil ħadd. Għandna seba’ skejjel kbar, nieħdu ħsieb żewgt idjar tal-anzjani,
sptar u skola privata wkoll. Għandna diversi gruppi u ministeri u opportunitajiet oħra fejn adulti, żgħażagħ
u tfal jistgħu jitgħallmu iktar il-fidi tagħhom u jwettqu għemejjel fejn jaqdu u jservu lill-Mulej u lil ħuthom ilbnedmin. Inħossni verament kuntent minkejja d-diffikultajiet kbar li għandna wkoll. Biss donnu dejjem ikun
hemm biżżejjed saħħa u enerġija għal għada u l-pitgħada.
Inselmilkom ilkoll egħżiez. Sikwit
niftakar fi ħmistax –il sena ilu meta
nżur il-memoriji tar-ritratti ta’
bosta wċuh minnkom fl-album u lvideo tal-ewwel quddiesa sollenni
tiegħi fix-Xewkija. Inkomplu nitolbu għal xulxin mid-diversi postijiet
li fihom ninsabu nservu l-Knisja ta’
Kristu. It-talb importanti ħafna,
napprezzah immens. Mir-raħal ta’
Ajax Ontario, inwegħdkom it-talb
tiegħi wkoll.
Il-festa t-tajba lil kulħadd,
Paċi u sliem