89
il
le ħe n
Tislima mill-Brażil
-m
ju n a r ji x e w
n
ki
jiktbilna mill-Brażil, Dun Salv Vella
i ss
Reġgħet waslet il-festa tal-patrun tagħna San Ġwann.
Kif semmejt drabi oħra, il-parroċċa tiegħi fil-Brażil hija
wkoll iddedikata lil San Ġwann. Din is-sena ser nispjega kif
bdiet din id-devozzjoni hawnhekk fil-post li jismu Jaqueira.
Id-devozzjoni hija marbuta ħaġa waħda mal-oriġini ta’ dan id-distrett li jinsab filperiferija tal-belt ta’ Maceio fit-tramuntana tal-Brażil, reġjun fqir u sħun ħafna. Il-ħajja
hawnhekk bdiet erba’ u ħamsin sena ilu. Kien għad hawn biss sitt idjar fqar, mingħajr
dawl, mingħajr ilma u mingħajr toroq.
Intant dawn il-familji stiednu lil kappillan tal-parroċċa viċin biex jitla’ iqaddes
Quddiesa għall-ewwel darba fit-triq. Wara li ntemmet il-quddiesa qalulu biex jibdew
jibnu kappella f’dak l-i stess post u jiddedikawha lil San Ġwann Batista. Il-kappillan staqsihom: “Għaliex San Ġwann?”
Qalulu: “Għax San Ġwann kien jgħixfid-deżert. Allura bilfors li huwa kien bniedem ta’ stonku u ta’ kuraġġ kbir. Aħna
biex ngħixu f’dan il-post irid ikollna l-istess spirtu”
Il-kappillan beda jitbissem, qabel magħhom u malajr bdew jibnu din il-kappella li għadha teżisti sallum. Il-kappillan
beda jqaddes quddiesa kull xahar u l-kommunità bdiet tikber b’ritmu kbir. Bdew jinfethu toroq tat-torba (uħud
għadhom hekk sallum). Wara ftit taż-żmien, inbidel il-kappillan u ġie wieħed Taljan, li kien barka mis-sema għax
tefa’ għajnejh fuq din il-parroċċa u beda jibni knisja kbira bil-fondi tal-ħbieb Taljani. Illum hija l-knisja ċentrali
tal-parroċċa tiegħi. Meta tlestiet il-knisja huwa rritorna lejn l-Italja.
Jiena wasalt f’Diċembru 1998, komplejna l-knisja u bil-mod il-mod bdejna niftħu komunitajiet ġodda kull waħda
bil-knisja propja tagħha. L-aħħar waħda ftaħniha sentejn ilu, iddedikata lil Suor Dulce Lopes, soru Brażiljana li
kienet ġiet ibbeatifikata tliett snin ilu.
Din is-sena, il-festa ta’ San Ġwann ser nagħmluha nhar it-28 ta’ Ġunju. Interessanti li dawk il-komunitajiet kollha
li semmejt, jieħdu sehem fil-festa - kull waħda jkollha ġurnata għaliha.
Nispera li jkollkom festa mill-isbaħ u nieħu l-okkażjoni biex nifraħ lix-Xewkija Tigers għas-suċċessi kbar li qegħdin
iwettqu.
Viva t-Twelid Imqaddes ta’ Ġwanni l-Battista.
Mhux ta’ b’xejn il-Profeti, l-Evanġelisti
Il-qaddisin u n-nies tad-dinja ,
Ifaħħru,
Lil Ġwanni l-Battista.
Sidna Ġesù Kristu stess
Ifaħħar lil Ġwanni l-Battista
Meta qal: “Ħadd ma twieled bin mara,
Ikbar minn Ġwanni l-Battista.”
Viva l-ikbar qaddis
Ġwanni l-Battista
Viva t-twelid imqaddes ta’ Ġwanni l-Battista
Meta l-Madonna marret iżżur l-qariba tagħha Santa Eliżabetta.
Santa Eliżabetta x’ħin semgħet leħen il-Madonna qalet :
“Kif omm sidi tiġi għandi?”
Ġwanni tqaddes minn ġuf ommu dak il-ħin stess.
Viva l-martirju ta’ Ġwanni l-Battista
Viva l-manjus
Viva l-kbir Ġwanni l-Battista.
Viva ix-Xewkin kollha.
Ħsieb ta’ Frenċ Farrugia
magħruf bħala Frenċ ta’ Skriepel