84
Niltaqgħu ma’ Jurgen Attard
Jurgen Attard, huwa Xewki li illum jgħix f’Melbourne l-Awstralja. Huwa iben Ġanni u Joany Attard li flimkien ma
ħuh James, ħames snin ikbar minnu, trabba, kiber u ħa l-ewwel edukazzjoni tiegħu fostna fix-Xewkija. Flimkien
ma ħuh, kien iħobb jgħin f’numru ta’ għaqdiet u organizzazzjonijiet Xewkin fosthom fil-Kumitat taż-Żgħażagħ,
armar, fil-MUSEUM u anke fil-knisja tax-Xewkija. Kien ukoll attiv ħafna fil-karnival fejn mhux l-ewwel darba li
grupp li fih kien imdaħħla kiseb l-ewwel post fil-karrijiet trijonfali.
“L-arti minn dejjem kienet l-ambizzjoni
tiegħi” qalilna Jurgen meta tkellimna
miegħu b’rabta ma’ numru ta’ xogħolijiet
artistiċi li pproduċa dawn l-aħħar snin. “Sa
minn meta kont żgħir dejjem kont dak ittifel li fejn tidħol xi biċċa arti, kont nidħol
għaliha”, kompla Jurgen. U din il-ġibda
lejn l-arti kompliet meta emiġra lejn l-lAwstralja fejn iddeċieda li jieħu xi korsijiet
dwar “airbrushing”, liema korsijiet dam
għaddej bihom madwar sentejn. Jurgen
iħoss li frott ta’ dawn il-korsijiet it-teknika
artistika tiegħu tjiebet beda jiddedika
ħafna iktar ħin għal dan it-talent.
Jurgen stqarr magħna li kellu xewqa li
saret realtà. “Kont xtaqt inpitter u nisfuma
perfettament ix-xbiha tal-istatwa talpatrun tagħna San Ġwann il-Battista”,
liema xewqa hu wettaqha fl-2013.
Illum il-ġurnata Jurgen jgħin ukoll lillkumitat tax-Xewkija f’Melbourne fejn
fost oħrajn pitter inkwadru ta’ San
Ġwann. Dan tah donazzjoni sabiex
jittella u b’hekk jinġabru l-flus għal
bżonnijiet tal-festa li jirnexxilehom
itellgħu ukoll f’Melbourne.
Dawn li ġejjin huma xi xogħolijiet li
għamel riċentament.