83
Sliem Għalik maħbub Ġiovanni
Sliem għalik, maħbub Ġiovanni,
int ta’ Kristu l-Prekursur.
Ġejt biex inti t-triq tħejji,
Tal-Mibgħut, tas-Salvatur.
U għalhekk Erodja tiżber,
li tneħħiek, toqtlok tixtieq.
F’moħħha tħejji pjan mill-eħżen,
u tistenna iż-żmien mixtieq.
Dieqa kbira, ħakmet f’qalbu.
Ma jżommx kelmtu ,ma setax.
Joħroġ ġifa, quddiem sħabu,
żgur li f’qalbu, hu ma xtaqx.
Meta kont għadek f’ġuf ommok,
Huwa ġie lilek iżur.
U kif lilek ħasset ommok,
b’tifħir kliemha, fommha jfur.
F’jum għeluq snin, dan Erodi,
toħroġ tiżfen Salome`.
Wara dak iż-żfin, wisq ħajjen,
jitlef għaqlu dlonk ir-re.
Jaħlef, u jwegħedha ko llox,
kull ma trid, kull ma tixtieq.
U bil-ħniena, lilha jitlob,
li żifn’ oħra, jrid, jixtieq.
Ordna għalhekk, li jwettqu l-amar,
u lir-rasek, huma jaqtgħu.
B’hekk it-talba, ta’ dit-tfajla
żgur ikunu, jistgħu jilqgħu.
Tassew ismek kien tal-għaġeb,
kif semgħuh ħasbuh kien żball.
Kif inkiteb l-isem tiegħek,
fomm missierek, dlonk inħall.
Għext int ħajtek tiġri u tgħallem.
Darek kienet id-deżert.
“ Ħejju ruħkom għall-Messija “,
mill-pjan t’Alla int kont ċert.
Minnek Huwa ried jitgħammed,
għalhekk ġie u resaq qrib.
Ħoss mis-sema smajt jitlissen,
li fih Alla għaxqa jsib.
Lil Erodi int dlonk twissi,
meta f’ħajtu jwettaq żball.
B’adulterju lilu tixli,
għax iż-żwieġ qatt ma jinħall.
Nofs saltnatu, kien lest jagħti,
basta lilu, gost tagħtih.
Basta terġa’, għal darb’ oħra,
b’dak iż-żfin, lilu tpaxxih.
Fis hi tmur, quddiem dik ommha,
li malajr, ras Ġwanni titlob.
“Ras dak Ġwanni l-Għammiedi,
bħala ħlas int għandek titlob”.
Kienet kiefra, il-kundanna.
L-art iċċapset, kollha dmija.
Hekk kif ħasdu, lil dik rasek,
minn ġo ġismek, ħarġet dija.
U dlonk l-anġlu, jinżel f’leħħa,
biex lir-ruħek, huwa jtella’.
Għax bil-mewt, wisq kiefra tiegħek,
ġejt imsaffi minn kull tebgħa.
“Lil ras Ġwanni, jien qed nitlob.
Rasu rridha, fis fuq platt!”
Żgur li bħal, dik ir-risposta,
hu ma kien, jistenna qatt.
170 sena fostna
Għaddew mija w sebgħin sena,
Minn dak inhar li rfist ġo raħalna.
U għalkemm għadda daż-żmien kollu,
Għadek b’dik ħarstek warajk issaħħarna.
Surtek mirquma, b’idek mgħollija,
Qed turi lid-dinja, b’subgħajk il-werrej,
Biex jindmu u jħejju t-triq għall-Messija,
Hemm bżonn tiċkien int biex jikber dak li ġej.
Bi ħsiebi mmur lura, w nipprova nimmaġina,
Dak kollu li għexu x-Xewkin f’ dak il-jum.
Li rawk l-ewwel darba ġewwa t-toroq tagħna.
Kburin illi int ta’ raħalna patrun.
Illum imiss lilna, biex niġu nifirħu
U inżommu ħajja l-imħabba għalik,
Ġewwa qalb kull xewki, li tħabbat bil-qawwi,
Kull meta din tisma lil min isemmik.
Charmaine Hili
02/05/2015
Mario Attard