67
Leħen l-Għaqdiet Reliġjużi
abbatini
Matthew Attard
Prefett
Mill-aħħar ħarġa tar-rivista Gourgion l-għaqda Abbatini
Xewkija kellha diversi attivitajiet li fihom tajna
kontribut biex is-servizzi relatati mal-parroċċa jkunu
aktar interessanti u ta’ ġid lejn il-komunità parrokkjali
tagħna.
Sajf
Abbati Ġdid
Nhar it-8 ta’ Ġunju 2014, l-għaqda tagħna ferħet biżżieda tal-abbati ġdid Clint Bajada. Dan seta’ jsir wara
li Clint għamel diversi xhur jattendi għal-laqgħat ta’
formazzjoni biex jagħraf x’inhuma d-doveri tiegħu f’dan
l-irwol ġdid. Wara l-quddiesa tal-vestizzjoni sar festin
ċkejken fejn fih iċċelebrajna flimkien din l-okkażjoni
sabiħa. B’hekk issa n-numru tal-abbatini jammonta
għal 19 –il membru.
Jiem tal-Festa
L-abbatini kienu impenjati fil-konċelebrazzjonijiet
li jsiru bit-tħejjija għall-festa, Il-qofo l tal-attivitajiet
kienu f’jum il-festa meta filgħodu konna impenjati fiddiversi quddisiet u fiċ-ċelebrazzjoni pontifikali filwaqt
li filgħaxija ħadna sehem fl-għasar u fil-purċissjoni li
saret madwar it-toroq tar-raħal.
Matul il-ġranet tas-sajf ġew organizzati diversi
ħarġiet lejn il-baħar fejn taħt il-gwida ta’ Dun Ġużepp
Camilleri u Dun Franklin Vella, l-abbatini setgħu
jiddevertu flimkien b’mod san u sabiħ. Lejn tmiem
is-sajf organizzajna ħarġa f’Marsalforn fejn wara li
għaddejna xi ħin niddevertu fuq il-bumping cars morna
nieklu f’wieħed mir-restoranti tal-lokal. Matul dan
is-sajf ġiet organizzata live-in ġewwa Mount St Joseph
f’Malta. Għal din l- attività, li kienet organizzata għal
dawk l-abbatini minn ħdax –il sena ’l fuq, kien hemm
konkorrenza sabiħa. Din saret taħt il-gwida ta’ Dun
Trevor Sultana fejn matul dawn it-tlett ijiem żorna
diversi postijiet ta’ interess u divertiment ġewwa Malta.
Seminarista ġdid magħna
Wara assenza ta’ sentejn intbagħtilna seminarista filparroċċa biex jgħin fil-formazzjoni tal-abbatini tagħna.
Carl Scerri beda l-ministeru tiegħu fil-parroċċa matul
ix-xahar t’ Ottubru. Huwa qiegħed jorganizza laqgħat
kull nhar ta’ Sibt għall-abbatini l-kbar (Form 1 ’l fuq)
u għall-abbatini ż-żgħar (primarja). Fihom, jingħata
tagħrif dwar diversi suġġetti relatati mal-ħajja nisranija
li jkunu ta’ siwi għalina t-tfal u ż-żgħażagħ li għandna
r-responsabiltà fis-servizz tal-qadi tal-artal. Taħt issuperviżjoni tiegħu qed jiġu organizzati attivitajiet ta’
formazzjoni kif ukoll rikreattivi kemm f’Għawdex kif