53
Ħidmet l-Għaqdiet Xewkin
Charles Borg, Segretarju Ġenerali
Soċjetà Filarmonika
Prekursur
Hajja u Hidma
Is-sena 2015 hija sena importanti għar-raħal tax-Xewkija. Dan għaliex din is-sena qegħdin infakkru l-170
sena m il-miġja tal-istatwa tal-patrun tagħna. Minkejja
li għaddew 170 sena, il-qima lejn dan l-patrun għadha
waħda ħajja u b’saħħitha. Dan tixhdu l-festa tant sabiħa
li kapaċi nagħmlu lil San Ġwann, festa li ssir b’ħafna
impenn u sagrifiċċju minn bosta Xewkin, mhux biss fi
ħdan is-Soċjetà tal-Banda, iżda fi ħdan dawk l-għaqdiet
kollha li jagħmlu sena sħiħa jaħdmu biex il-qima lejn
il-Battista tibqa’ dejjem tikber. Tajjeb ukoll li b’mod
partikolari din s-sena, ma niftakrux biss fil-festa esterna imma niftakru wkoll fil-qofol tal-festa, propju
fit-tagħlim li ħallielna San Ġwann Battista.
B’dieqa kbira, is-sena 2015 bdiet bit-telfa tal-bandist
Carmel Attard. Nażżarda ngħid li Nenu ma kienx biss
bandist eżemplari iżda, patrijott Xewki eżemplari,
għaliex kien jagħti sehemu lil bosta għaqdiet tarraħal. Bla dubju, il-Banda Prekursur ser tibqa’ tħoss
in-nuqqas ta’ dan il-bandist tant eżemplari li ma kienx
jitlef kunċert jew servizz wieħed. Jalla nibqgħu ngħożżu
l-memorja ta’ Carmel Attard billi nkomplu naħdmu
b’iktar determinazzjoni għas-Soċjetà li tant kien iħobb.
Bħas-snin l-imgħoddija, is-soċjetà daħlet appuntament annwali fil-kalendarju tal-festi tagħha ta’ matul
il-ġimgħa tal-festa. Qed nirreferi propju għall-wirja li
ta’ kull sena qed tittella’ ġewwa l-każin tal-Banda. Din
is-sena l-wirja iġġib l-isem Inċiżjonijiet. Kif jixhed dan lisem, din is-sena ser inkunu qegħdin nesebixxu numru
ta’ inċiżjonijiet oriġinali dwar San Ġwann Battista. Flokkażjoni tal-170 sena mil-miġja tal-istatwa, l-artist
Justin Falzon se jirregala inċiżjoni oriġinali mill-isbaħ
lir-raħal tax-Xewkija. Is-Soċjetà ser ikollha ħamsin
kopja ta’ din l-inċiżjoni, kollha oriġinali, li ser ikunu
għal bejgħ biex jibqgħu tifkira għal dan l-anniversarju
tant importanti.
Is-sena 2015 timmarka sena oħra mportanti fi ħdan
is-Soċjetà. Din is-sena s-Soċjetà Filarmonika Prekursur
daħlet fi ftehim mas-Segretarjat għad-Drittijiet ta’ Persuni b’Diżabilità u Anzjanità Attiva, fejn matul dawn isseba’ snin li ġejjin, il-każin tal-banda ser jiftaħ il-bibien
tiegħu sabiex matul il-ġurnata, l-anzjani tagħna jibdew
iqattgħu l-ħin liberu tagħhom b’numru ta’ attivitajjiet
organizzati mill-istess Segretarjat. B’dan il-proġett ser
inkunu nimirħu lil hinn mill-iskop ewlieni tas-Soċjetà,
billi inkunu qegħdin noffru r-riżorsi tagħna għal iktar
ġid fi ħdan il-komunità, b’mod partikolari mal-anzjani.
Dan il-ftehim wassalna ukoll biex il-każin jimmodernizza iktar il-faċilitajjiet tiegħu u ser jiġi installat ukoll lift
bl-aħħar teknoloġija. B’dan l-investiment il-komunità
tagħna, b’mod partikolari l-anzjani, ser ikunu jistgħu
jagħmlu użu aħjar mir-riżorsi li tista’ toffri s-Soċjetà.
Minn hawn nixtieq nieħu l-opportunità biex nirringrazzja lil dawk kollha, li b’mod volontarju qegħdin
jaħdmu biex dan il-proġett ambizzjuż ikun wieħed ta’
suċċess.
Mater Dolorosa
Għat-tieni sena konsekuttiva, għall-Ġimgħa Mqaddsa,
is-Soċjetà Filarmonika Prekursur tellgħet il-Wirja
Mater Dolorosa fil-każin tagħha. Din is-sena minbarra
vari reliġjużi, rajna attrazzjoni speċjali, l-ewwel dulur
ta’ Sidna Marija, propju l-profezija ta’ Xmun. Din ir-