78
ĦiDMet l-gĦaqDiet Xewkin
Radju Prekursur
Min qatt kien jaħseb…
stefan bugeJa
Żgur li 23 sena ilu, meta beda jberren il-ħsieb biex ilparroċċa
tagħna jkollha l-istazzjon tar-radju tagħha,
qatt ma għadda minn moħħna li konna ser ngħaddu
miċ-ċirkustanzi li għaddejna minnhom f’dawn l-aħħar
xhur. Għalkemm l-iskop ewlieni kien li nwasslu dak
li jsir fil-parroċċa fid-djar tax-Xewkin, però dan kien
immirat b’mod speċjali għall-morda u l-anzjani kif ukoll
għal dawk li jduru bihom li ma setgħux joħorġu minn
djarhom. Magħhom kien hemm l-emigranti li minkejja
d-distanzi twal li jifirduna, xtaqna li b’xi mod ikunu
jistgħu jgħixu dak li jkun għaddej f’raħal twelidhom.
Iċ-ċirkustanzi kkawżati mill-pandemija li daret l-erbat
irjieħ tad-dinja wasslu biex il-knejjes tagħna kellhom
jingħalqu. Tista’ tgħid li Radju Prekursur sar l-unika mezz
biex dak li jsir fir-Rotunda jasal fi djarna. Żgur li ħadd
minnha qatt ma ħaseb li kellna ngħaddu minn dawn
iċ-ċirkustanzi. Żmien li matulu minkejja li rajna l-knisja
vojta, iżda l-quddies u l-attivitajiet kollha li normalment
kienu jsiru, bħall-eżerċizzi spiritwali tar-Randan, ilfunzjonijiet
tal-Ġimgħa Mqaddsa, xorta setgħu jiġu
segwiti minn ġewwa djarna permezz ta’ Radju Prekursur
kemm fuq ir-radju u kif ukoll permezz tas-servizz talistreaming
mill-knisja.
Matul dawn il-ġimgħat ħafna apprezzaw aktar isservizz
siewi li Radju Prekursur ilu joffri sa mit-twaqqif
tiegħu fl-1997. Ix-xandiriet ta’ Radju Prekursur ma kinux
biss f’dawn il-ġranet tal-pandemija. Minkejja l-isfidi
u l-problemi li jinqalgħu maż-żmien, bil-għajnuna
volontarja ta’ ħafna stajna nibqgħu nkunu ta’ servizz
għalikom. Din is-sena, nistgħu ngħidu xandarna kull
funzjoni u attività li saret fil-knisja matul is-sena, kif
ukoll wassalna xandiriet minn postijiet oħra, fosthom
mis-Santwarju Nazzjonali tal-Madonna Ta’ Pinu.
Kellna sena fejn iffaċjajna wkoll diversi problemi tekniċi.
Kien proprju lejn l-aħħar tas-sajf li soffrejna ħsarat
konsiderevoli kawża ta’ sajjetta li għamlet ħsara kemm
fl-apparat li jintuża biex inwasslu xandiriet mill-knisja
kif ukoll f’apparat ieħor li jintuża għal-live streaming.
Kien biss bil-ħidma volontarja tat-tekniċi tagħna, li
rnexxielna nirranġaw il-ħsara b’mod proviżorju biex
x-xandiriet setgħu jitkomplew wara żmien qasir ta’
waqfien. Qed nittamaw li fil-ġranet li ġejjin inkunu qed
intemmu proġett li ilna naħdmu fuqu xhur. B’hekk ilcables
li jgħaqqdu l-knisja mal-istudjows tagħna jiġu
mgħoddijin b’mod aktar sigur, biex mhux biss nevitaw
aktar ħsarat ikkawżati mill-maltemp, iżda wkoll intejbu
l-kwalità tax-xandiriet tagħna. Qed nittamaw ukoll li
matul dawn il-ġranet tal-festa, inkunu qed insaħħu
s-servizz tal-istreaming mir-Rotunda b’żewġ kameras
oħra. Hekk inkunu nistgħu nwasslu fi djarkom viżjoni
aħjar ta’ dak li jkun qed jiġri.
Din is-sena hija sena speċjali għalina għax qed infakkru
l-175 mill-miġja tal-istatwa tal-Battista. Iżda ser inkunu
qed niċċelebraw il-festa tagħna b’mod differenti missoltu
skont id-direttivi maħruġin mill-awtoritajiet tassaħħa.
Però, Radju Prekursur, kif għamel ukoll fi żmien
il-Għid, xorta ser ikun qed iwasslilkom skeda speċjali
ta’ programmi marbuta ma’ dan iż-żmien speċjali li hu
tant għal qalbna. Minkejja ċ-ċirkustanzi partikulari li
qed ngħixu fihom, xorta ser inwasslulkom ix-xandiriet
tal-funzjonijiet mill-knisja Rotunda kemm permezz talfrekwenza
99.3FM Stereo, kif ukoll permezz tal-YouTube
Channel ta’ Radju Prekursur.
Nixtiequ fl-aħħar nett nirringrazzjaw lil dawk kollha li
qed jagħtu ħinhom b’mod volontarju biex dawn ixxandiriet
jistgħu jaslu fi djarkom. Mingħajr is-sagrifiċċju
ta’ dawn in-nies u tal-familji tagħhom żgur li ma kienx
ikun possibbli li nibqgħu għaddejjin matul dawn
is-snin kollha. Nixtiequ nirringrazzjaw ukoll lil dawk
il-benefatturi tad-donazzjonijiet tagħhom li jsostnu
l-ispejjeż tal-manutenzjoni u xiri ta’ apparat li jkun hemm
bżonn minn żmien għal ieħor.
Għalkemm ser ngħixu festa differenti, minn qalbna
nawguraw lil kulħadd il-festa t-tajba – festa li tgħaqqadna
aktar mal-għażiż patrun tagħna Ġwanni l-Battista.