77
ĦiDMet l-gĦaqDiet Xewkin
Għaqda Milied xewkija
cHristopHer gatt
Għaddiet sena oħra u l-festa tal-patrun tagħna San
Ġwann Battista reġgħet waslet. Din is-sena mhux ħa jkun
possibbli li l-festa tkun bħas-snin ta’ qabel minħabba
ċ-ċirkostanzi li għaddejjin minnhom.
Din is-sena l-Għaqda reġgħet tellgħet numru sabiħ ta’
attivitajiet marbuta mal-Milied. B’hekk inkunu nistgħu
nilħqu l-għan tal-Għaqda li tkabbar u ssaħħaħ l-ispirtu
Nisrani tal-Milied fil-parroċċa tagħna.
Għat-tielet sena konsekuttiva erġajna tellajna kors filbini
tal-presepju matul is-sajf. Din l-ewwel attività bi
preparazzjoni għall-Milied saret f’Settembru. Dan il-kors
ikun miftuħ għal kulħadd, tfal u anke adulti. Propju
għalhekk kellna numru sabiħ ta’ parteċipanti b’etajiet
differenti u anke parteċipanti minn barra r-raħal. F’dan ilkors
setgħu jibnu presepju mill-bidu sal-aħħar u mbagħad
ikunu jistgħu jarmawh fid-djar tagħhom jew inkella
jintrama fil-wirja li l-għaqda torganizza fi żmien il-Milied.
F’dan il-kors il-parteċipanti jitgħallmu diversi tekniki ta’
kif tibni presepju b’materjal differenti fosthom jablo u
insulation għall-blat u djar, ċana għall-ħaxix u diversi tipi
u modi ta’ kif tiżbogħ presepju. Fl-aħħar tal-kors l-Arċipriet
qassam ċertifikat ta’ attendenza lill-parteċipanti filwaqt
li seta’ japprezza l-presepji li nbdew waqt il-kors b’tant
reqqa u dedikazzjoni.
Bdew ukoll il-preparazzjonijiet għall-attivitajiet tal-Milied
fost l-oħrajn biex jintrama l-presepju tal-knisja u l-wirja
annwali li ssir fiċ-Ċentru Parrokkjali. Din is-sena żewġ
adolexxenti Xewkin Euchar Bajada u Jean Pace bdew
presepju taħt iz-zuntier tal-knisja Rotunda.
Din is-sena fix-Xewkija ġie organizzat Christmas market
bl-isem ta’ Christmas in the Square. Dan kien mifrux fuq
jumejn. L-Għaqda ġiet mistiedna biex tagħti l-kontribut
tagħha. Allura ħadna ħsieb li jkollna armat l-presepju talknisja
u l-wirja miftuħa. Waqt dawn l-attivitajiet l-Għaqda
kienet ukoll qed ittella’ dimostrazzjoni ta’ kif tibni presepju
fejn dawk li attendew setgħu jaraw id-diversi proċessi
fil-bini tal-presepju. Fil-15 ta’ Diċembru, fl-ewwel jum
tan-novena wara l-quddiesa tan-novena, l-Arċipriet Mons.
Daniel Xerri flimkien mal-kumplament tal-komunità tax-
Xewkija preżenti għan-novena bierek l-presepju.
Din is-sena l-Għaqda ħasset il-ħtieġa li tarma struttura
biex l-oġġetti tal-wirja jiġu esebiti b’mod li jkunu jistgħu
jitgawdew bl-aħjar mod possibbli biex jidher ix-xogħol
li sar b’tant dedikazzjoni u reqqa. Għalhekk ġiet armata
struttura maqsuma f’diversi kaxxi b’qisien differenti u dawl
individwali għal kull kaxxa. Il-Ħadd 22 ta’ Diċembru ġiet
imbierka l-wirja u l-presepju ta’ taħt iz-zuntier minn Dun
John Meilaq. B’hekk ġiet miftuħa uffiċjalment u baqgħet
miftuħa sal-ewwel tas-sena. Grazzi lil dawk kollha li għenu
u sellfuna diversi oġġetti għall-wirja.
Kif għedtilkom għal din is-sena kellna wkoll żewġ
adolexxenti mix-Xewkija li flimkien bnew presepju kbir.
Flimkien irnexxielhom jibnu presepju għall-wiri ta’ livell
għoli mill-bidu sal-aħħar. B’entużjażmu kbir minn xhur
qabel bdew jaħdmu fejn anke wieħed minnhom, Jean
ħadem il-pasturi għal dan il- presepju. F’Euchar u Jean
naraw il-futur tal-presepju. Din is-sena erġajna tellajna
l-kompetizzjoni tal-isbaħ presepju ġod-djar u l-isbaħ
tieqa.
Waqt iż-żjara mill-Ministru għal Għawdex l-Onor. Justyne
Caruana, setgħet tara x’kellna x’noffru. L-għaqda tixtieq
tiringrazzjaha tal-għajnuna li tat lill-Għaqda biex setgħet
ittella’ dawn l-attivitajiet b’suċċess.
Grazzi tmur lill-Arċipriet Mons. Daniel Xerri li dejjem kien
ta’ għajnuna għall-Għaqda biex flimkien inkunu nistgħu
nilħqu l-għan aħħari. Grazzi wkoll tmur lil kull min għen
fl-attivitajiet li l-istess Għaqda tellgħet matul is-sena.
Nixtiequ nħeġġu lil dawk li għandhom għal qalbhom
il-Milied biex javviċinaw lil xi membru tal-għaqda u jsir
membru biex flimkien inkomplu nkabbru l-ispirtu tal-
Milied fix-Xewkija.
Minn hawn nirringrazzja lil dawk kollha li għenu u flimkien
nitolbu lill-patrun tagħna San Ġwann Battista biex jitfa’
għajnejh fuqna f’dawn iż-żminijiet diffiċli.