Êàçàê Õàíäûãûíà - 550 æûë
Абылай хан :
- Түнде түс көрдім . Табытта жатыр екенмін . Басыма ілінген Үш жүздің жалауын үш тобыр жұрт жұлып әкеткелі тұр . Табытымның бір бүйірінде арыстан , екінші бүйірінде айдаһар отыр . Аяқ жағымда бір топ үрім-бұтағым . Уәлиден тараған ұрпағым құран оқып , Қасымнан тараған ұрпағым қанжар ұстап тұр . Ал мен өліп жатсам да , екі бүйірімде отырған арыстан мен айдаһарға кезек қарап , мыналардан қалай құтылам деп жанталасудамын . Осы түсімді жорып берші , Бұқар аға ? Бұқар жырау ( тұнжырап біраз отырады ): - Түс жору - түлкі аулаумен тең , кейде ізіне дәл түсесің , кейде шет кетесің , сөйтсе де жорып көрейін ... Абылай хан : - Сөйлеңіз , көмекей әулие ... Бұқар жырау : - Қырыққа келмей табытта жатсаң - өмірің ұзақ болады екен . Басыңа жалау тігіліп , оған үш бірдей топ таласып жатса , үш жүзге хан болады екенсің . Бірақ хан атына ие болсаң да , халқыңа ие бола алмайды екенсің . Сен өлген күні үшеуі үш жаққа ыдырап кетеді екен . Ал аяқ жағыңда тұрған үрім-бұтағыңның ішінен бірі құран оқып , бірі қанжар қайраса , Уәлидің ұрпағынан шыққан бір тұқымың атын қағазда , ал Қасымнан туған бір балаң атағын майданда қалдырады . ( Абылай хан үндемей , ойланып қалады .) Бұқар жырау : - Үндемей қалдың ғой , сұлтаным . Шешуім ұнамады ма ? Абылай хан : - Бір ұрпағым атын қағазда , екінші ұрпағым атағын майданда қалдырады екен . Сонда мен өзім қайда қаламын , Бұхар аға ?... Бұқар жырау : - Басыңа үш жалау босқа тігілді ме ? Ісіңді ел ұнатса , үш жүздің жүрегінде қаласың ! Қазақ биі " Адай "
1-оқушы : Тәуелсіздік түскен жоқ қой аспаннан , Тарихы оның тым әріден басталған . Бодандықтан құтқарам деп елімді , Талай боздақ қара жерді жастанған . 2-оқушы : Жылдар бойы бостандыққа шөлдеген , Халқым менің не қасірет көрмеген . Жоңғар жаулап бейбіт жатқан елімді , " Ақтабанда " көздің жасы көлдеген . " Елім-ай " әні . Фон . " Көңіл толқыны ". Көркем сөз оқушылар : 1-оқушы : Өнерлі өлке ( Күләш Ахметова ) Қазақстан - арайлым , Жұлдызын жақтың талайдың . Сағынышы ең Сәкеннің , Арманысың Абайдың , Даланың сергек жанары , Аз емес берер , алары . Тарады жердің бетіне , Әуезов шығармалары .
¹ 7 ( 7 ) 2015
Тойласа тойын дүйім ел , Көркіне далам , сүйінем . Тербелсін бүгін дүние , Құрманғазы күйімен . Қаларсың ғажап мекен боп , Көрсін ел саған қатар кеп . Қалдырды жырдың жалынын , Адуын ақын Махамбет . Әлемге сазбен сыр аштың , Келешек күнге ұластың . Аққудың өзі ұйыған , " Гәккуін " тыңдап Күләштің . Қобызға қосып ботаны , Тербеген сазбен жотаны . Қазақтың жері қашаннан - Өлең мен күйдің Отаны .
2-оқушы : Сол қазақтың ұлымын ( Тұманбай Молдағалиев ) Менің тілім өлмейді , халқым тірі , Қазағымның сөнбейді алтын күні . Мәңгі естіліп тұрады оның даусы , Соңғы күні , жоқ оның ақырғы үні . Менің халқым - жас халық , жаңа халық , Дүниеде жүр солай бағаланып . Оның өскен өр қызы - асыл арман , Көрінеді әр ұлы маған алып . Сын сағатта қолына ту алады , Болымсызға баладай қуанады . Абай менен Жамбылды туған халық , Талай-талай даңғылды туар әлі ... Сол қазақтың ұлымын ұлылығым , Жаурағанға беретін жылылығым . Басқалардай біз-дағы ардақтаймыз , Ақиқаттай Алланың тірі күнін .
3-оқушы : Үш бақытым ( Мұқағали Мақатаев ) Ең бірінші бақытым - Халқым менің , Соған берем ойымның алтын кенін . Ол бар болса , мен бармын , қор болмаймын , Қымбатырақ алтыннан нарқым менің . Ал екінші бақытым - Тілім менің , Тас жүректі тіліммен тілімдедім . Кей - кейде дүниеден түңілсем де , Қасиетті тілімнен түңілмедім . Бақытым бар үшінші - Отан деген , Құдай деген кім десе , Отан дер ем ! ... Оты сөнген жалғанда жан барсың ба ? Ойланбай - ақ кел дағы от ал менен . Үш бірдей бақытым бар алақанда , ( Мені мұндай бақытты жаратар ма ?!) Үш күн нұрын төгеді аспанымнан , Атырау , Алтай , Арқа , Алатауға !!!
1-оқушы : Біз қазақ деген мал баққан елміз , Бірақ , ешкімге соқтықпай , жай жатқан елміз . Елімізден кұт-береке қашпасын деп , Жеріміздің шетін жау баспасын деп , Найзаға үкі таққан елміз ! Ешбір дұшпан басынбаған елміз , Басымыздан сөзді асырмаған елміз ! Досымызды сақтай білген елміз , Дәмі , тұзын ақтай білген елміз !
2- оқушы : Аманаты Абылайдың орындалды , Әлемге қазақ елі мойындалды . Тілі іні , дәстүрі халқымыздың , Төрінен лайықты орын алды
Ән " Жаса , Қазақстан !"
9