¹ 5( 12) 2016
ÁIËIÌ ÁÅÐÓ ÌÝÑÅËÅËÅÐI
Мақала орта мектепте үш тілділікті дамыту мәселелеріне арналған. Автор қазақ, орыс және ағылшын тілдерінде оқыту міндеттерін жүзеге асыруға қатысты мектеп тәжірибесімен бөліседі.
Статья посвящена вопросам развития трехъязычия в средней школе. Автор приводит пример из школьной практики по реализации задач обучения на казахском, русском и английском языках.
АМИРОВА ШЫНАР СЕРИКХАНОВНА ағылшын тілі пәні мұғалімі
Статья посвящена вопросам развития трехъязычия в средней школе. Автор приводит пример из школьной практики по реализации задач обучения на казахском, русском и английском языках.
ҮШТІЛДІЛІКТІ ОРТА МЕКТЕПТЕ ЖҮЗЕГЕ АСЫРУ
Ел Президенті Нұрсұлтан Әбішұлы Назарбаев Қазақстан халқына " Қазақстан-2050 " стратегиясы: қалыптасқан мемлекеттің жаңа саяси бағыты " атты Жолдауында әрбір қазақстандықтың өміріндегі үштілділіктің маңыздылығы туралы айтқан еді. Осы орайда Шығыс Қазақстан облысындағы қабылданған " Үштілділікті дамыту " бағдарламасын жүзеге асыру қарқынды жүріп жатыр деуге болады. Бұл бағдарламаның негізгі мақсаты: бастауыш, орта, жалпы орта білім беру бағдарламаларын жетік білу, оқушылардың коммуникативтік құзіреттілігін арттыруды қамтамасыз ету. Міндеттері:- көптілділікті оқытуды жүзеге асыруда Отандық және халықаралық тәжірибелерді үйрену;- аймақтық бағдарламалардың жүзеге асырудың механизмін анықтау;- көптілділікті оқытудың мазмұнын іске асыру;- көптілділікті енгізудің оқу әдістемесін дамыту;- оқушылардың коммуникативтік құзіреттілігін қалыптастырудың деңгейін бағалау мен бақылау үшін өлшемдер әзірлеу. Күтілетін нәтиже: Тілдер пәндерінің мұғалімдерінің кәсіби құзіреттілігін көтеру; Ағылшын, қазақ, орыс тілдері бойынша бірыңғай оқу әдістемелік кешенін енгізу: Оқушының қазақ, орыс, ағылшын тілдерінде еркін сөйлеу функционалдық сауаттылықтың қалыптасуының негізі; Көптілділікті әр пән бойынша жүзеге асыру( география, математика, физика, биология); Шетелдік жоғарғы оқу орындарында білім алуға мүмкіндік жасау үшін оқушының ағылшын тілінен халықаралық емтихан тапсыруына жағдай жасау; Мектеп бітірушілердің бәсекеге қабілеттілігін арттыру. Әр мектеп осы бағдарламаны басшылыққа ала отырып, өз бағдарламаларын құрды. Біздің мектепте де бағдарлама құрылып, жұмыстар атқарылуда. Келесі кезекте мектептегі өткен ағылшын тілі пән бірлестігінің " Жарқын болашақүш тұғырлы тіл ", " Основа будущего- в полиязычии ", " The brightly future-in the poligloting " атты апталығы туралы сөз етпекпін. Мақсаты: Н. А. Назарбаевтың " Тілдердің үштұғырлығы " бағдарламасын жүзеге асыру мақсатында сайыстар, әндер, мақал-мәтел жарыстары, жұмбақ шешу арқылы оқушылардың орыс тілі және ағылшын тіліне деген қызығушылығын арттыру. Апталық жоспарына сай пән мұғалімдері ашық сабақтар мен сыныптан тыс шаралар өткізді. Мектеп мұғалімдері ашық сабақтар мен іс- шараларға қатысып, тәжірибе алмасты. Г. К. Сейтханова, А. Б. Мақсұтова, Ш. С. Амированың ашық сабақтары БжС оқу технологиясымен жүргізіліп, оң баға берілді.
Мәселен, 1 " В " сыныбында " Бауырсақ " және " Үйшік " ертегісінің желісі бойынша қуыршақ театры қойылды. Қойылым қазақ тілі, орыс тілі және ағылшын тілінде өтті. Бұл жұмыс педгогикалық колледждің әдіскері Б. Ж. Койгельдина мен Ш. С. Амированың бірлескен жұмысы болатын. Оқушылар ертегіден өте жақсы әсер алды. Үзілісте барлық 1-ші сынып оқушылары осы қойылымды тамашалады.
Елбасының " Тілдердің үштұғырлығы " бағдарламасы аясында өткен, " Фольклорлық поэзия " мерекесінде 3-4 сынып оқушылары үш тілде ән салып, әнге сахналық қойылым көрсетті. Мерекені тамашалауға келген ата-аналар, ән арқылы тілді үйрену жеңіл екендігін айтып, алғыс білдірді. Мерекені ұйымдастырушылар ағылшын тілі пән мұғалімдері Г. К. Сейтханова мен А. Б. Мақсұтова қатысушыларды грамоталармен марапаттады. Үзіліс уақытында оқушылар мақал-мәтел жарысына қатысып, жұмбақтар шешті. Сонымен қатар, мектепте " Тілдердің үштұғырлығы " акциясы өтті. Қабырғаларға әртүрлі тақырыптағы сөздердің үш тілдегі баламасы жазылып, ілінді. Біздің ендігі ұранымыз: Қазақ тілін- дамытамыз! Орыс тілін- қолдаймыз! Ағылшын тілін- үйренеміз! Өздеріңіз байқап отырғандай, үштілділікті орта мектеп қабырғасында жүзеге асыру күнделікті оқыту үрдісіндегі әрбір қарапайым әрекетті үш тілде жүзеге асырудан басталады.
34