¹ 5 ( 12 ) 2016 Ìåêòåïò ³ í äàìó áàFäàðëàìàëàðû
КУРМАШЕВА АЛМАГУЛЬ АМАНТАЕВНА
директордың ОТІ жөніндегі орынбасары
СМАГУЛОВА АНАРА МЕЙРАМОВНА
математика пәні мұғалімі
Берілген мақалада Семей қ . № 3 орта мектебінің математика сабақтарында білім сапасын басқару жөніндегі педагогикалық жобасы берілген .
В данной статье представлен Проект по управлению качеством образования на уроках математики средней школы № 3 г . Семей .
This article presents the Project to implement the Program of education and socialization of pupils of the secondary school № 3 of Semey city .
ПЕДАГОГИКАЛЫҚ ЖОБА
Математика сабағында " БжС " технологиясын қолдану арқылы оқушының білім сапасын басқару
Жобаның тақырыбы : Математика сабағында " БжС " технологиясын қолдану арқылы оқушының білім сапасын басқару .
Мақсаты : 2015-2016 оқу жылында "№ 3 ЖОББМК " -де дайындалған " БжС " технологиясын енгізу бағдарламасы негізінде математика пәнінен білім сапасын басқаруды жеке тұлғаның құзыреттілігін қалыптастыруға бағыттау . Тақырыптың өзектілігі : оқушылардың математика пәнінен алған академиялық білімдерін өмірде қолдана алу ; жоғарғы сапаға қол жеткізу ; оқушылар дарындылығын ерте жастан анықтау . Зерттеу объектісі : 2-4 және 5 сыныптар . Енгізілу мерзімі : 2015 қаңтар- 2017 мамыр Қазіргі қарқынды дамып жатқан әлемде білім саласында өзгерістердің болуы заңды құбылыс . Президентіміз Нұрсұлтан Назарбаевтың халыққа жолдауы " Қазақстан-2050 " стратегиясында : " Бәсекеге қабілетті дамыған мемлекет болу үшін біз сауаттылығы жоғары елге айналуымыз керек . Сондай-ақ балаларымыздың , жалпы барлық жеткіншек ұрпақтың функционалдық сауаттылығына да зор көңіл бөлу қажет . Балаларымыз қазіргі заманға бейімделген болуы үшін бұл аса маңызды " - деп атап көрсеткен . Ендеше , білім берілуімен ғана маңызды емес , маңыздысы - білім беру сапасы өзінің міндеттерін қаншалықты орындауда және оқушылардың академиялық білімдерін әртүрлі өмірлік жағдайларда қолдану деңгейлері қаншалықты ? Неліктен біздің алдымыздан шыққан оқушылар халықаралық PISA , TIMSS , PIRLS зерттеулерінде өз білімдерін жоғарғы деңгейде көрсете алмайды ? Осы сұрақтар ұрпақ тәрбиесі үшін жаны ауыратын әр ұстазды мазалауы қажет . Оқыту сапасын көтеру- бүгінгі техникасы қарыштап дамыған өркениетті заманның өзекті мәселесі . Қазақ педагогикасы мен мектебі алдында білім , тәрбие берудің тың , жаңащыл бағыттары жолға қойылуда . Олар-оқу , тәрбие , даму үдерістерін жандандыру . Осының барлығы жеткіншектерге жүйелі білім , саналы тәрбие беру ісіне тәуелсіз ел талабы тұрғысынан қарау қажеттілігінен туындап отыр . Мемлекетіміздің қолдауымен қазіргі білім саласында аз жұмыстар атқарылып жатқан жоқ . Қазақстан Республикасы педагог қызметкерлерінің біліктілігін арттырудың деңгейлік курсынан өткен ұстаздардың осы бағытта қосар үлестері қомақты . Десек те , аталған курстан өткен ұстаздар әр мектепте өте аз мөлшерде . ( Біздің мектепте қызмет жасайтын ұстаздардың 10 % -ы ғана қамтылған ).
Мектептің даму жоспарына енгізілген өзгерістер , зерттеу жұмыстары , коучингтер " бүкіл ұжымды өзгерте қойды , білім сапасын айтарлықтай дәрежеге жеткізді " деп айту жасандылық болар . Қазірде алдымызда тұрған басты мақсат , қандай технологияны қалайтынын ұстаздардың өз еншісіне қалдыра отырып , сапалы әрі табысты оқуға қол жеткізу . Осы мақсатты жүзеге асыру үшін , ұстаздардың барлығына қол жетімді болып отырған " Биоақпараттану және Синергетика " технологиясын игеруді қолға алдық . 2014-15 оқу жылының екінші жартысында ұстаздарымыздың 38 % -ы осы технология бойынша курстан өтіп , Астана қаласы мектептерімен тәжірибе алмасуға барды . Аталған технологияны өз мәнінде игерген 15 мектепте бір апта көлемінде болып , өз мектебімізге оралған соң ұжым ұстаздарымен тәжірибе бөлісу мақсатында ашық сабақтар өткізді . Қала көлемінде екі рет семинар беріліп , оқу жылы соңында ата-аналар үшін " Ашық есік " күні ұйымдастырылды . Әр ата-анаға өз баласының жекелеме пәндер бойынша білім деңгейлерін сырттай бақылауға мүмкіндік жасалды . 2015-16 оқу жылында да аталмыш технологиямен жұмыс жоспарлы түрде жүргізілуде . Жас ұстаздардың 10-ы осы технология бойынша курстан өтті . Математика пәнінің оқытылуына үлкен мән беріліп , мектепішілік бақылау БжС технологиясы регламентіне сай барлық сыныптарда әр тарау сайын жүргізіліп , нақты білім деңгейлерін анықтауға мүмкіндік алдық , әрі мұғалімдерге коррекциялық жұмыстар енгізіп , меңгеруде қиындық тудырған материалдарды қайталап жүргізуге жағдай жасалуда . Әрине , мұндай жүйелі ұйымдастырылған жұмыс нәтижесіз де емес , білім сапасының айтарлықтай ілгерілеуі көңіл қуантады . Мектеп психологтарының ұйымдастыруымен аптаның үш күнінде " Жаттықтырғыш ", " Сөздік қор ", " Логикалық тапсырмалар " жаттығулары жүргізілуде . Курстан өткен ұстаздар мектепішілік және көршілес мектептер үшін семинарлар өткізді . Енді осы БжС технологиясының ерекшелігіне нақтырақ тоқталар болсақ :
Қазақстандық ғалым Ф . Я . Вассерман көптеген қазақстандық және халықаралық педагогтардың тәжірибесін зерттеп , " Биоақпараттану және синергетика " ( БиС ) білім беру технологиясын тамаша қарастырып , оқыту сапасының нормативтік көрсеткішін құрды . Автордың жасаған қорытындысы бойынша оқыту сапасын басқару -оқыту нәтижесін толық көрсететін көрсеткіштер мен критерийлердің талабын орындауға
28