Hellaferð
Snemma á fimmtudagsmorgni var
ferðinni heitið í enn eina framandi
náttúruperlu Slóvakíu – Velka
Stanisovksa Cave. Eftir nokkurra
mínútna göngu komum við að
hellinum ásamt leiðsögumönnum
sem að gáfu okkur hjálma og höfuð-
ljós. Tilgangur ferðarinnar var að taka
sýni úr hellavatninu og ánni fyrir
framan hellinn og gera tilraunir á því
seinna meir á náttúruminjasafninu í
bænum Liptovsky, til þess að athuga
hvort að sýnið væri til dæmis
mögulega drykkjarhæft. Við fengum
fræðslu af hæstu gráðu innan
hellisins meðal annars um lífshætti
dýranna sem lifa þar og hvernig
hellalífið hefur breyst með tímanum
vegna til dæmis loftslagsbreytinga.
Dýrin sem sáust með beru auganu
inni í hellinum voru fiðrildi, leður-
blökur og ýmis skordýr líkt og bjöllur
og köngulær. Hægt var að koma
auga á nokkra dropasteina innar í
hellinum og einnig smáar lindir.
Þegar hellaferðinni var lokið var
haldið til baka á náttúruminjasafnið
Slovak Museum of Nature Protection
and Speleology til þess að kanna
sýnin og fræðast meira um dýralífið
sem aðhafðist í hellinum. Óhætt er að
segja að þennan dag höfum við
fræðst um slóvakíska náttúru á bæði
skilvirkan og skemmtilegan hátt.
Nadía