Documentos aprobados pola Asemblea Constituínte de Estudantes sen Futuro. Asemblea Constituínte ESF | Page 7

Asemblea Constituínte de Estudantes Sen Futuro
"Tecendo na unidade o movemento estudantil"
cada curso ata que ao rematar téñense pagados os 6000 €. Na práctica, isto é un filtro
de estudantes para que únicamente as persoas con poder adquisitivo poidan acceder a
un mundo laboral cunha formación adecuada ou estudaren o que de verdade queiran.
Se ben o ensino se pode considerar a base dun país, da cultura social ou do futuro, no
Estado español non é así. Mentres que nos recortes do Partido Popular de novembro de
2011 se recortaba de media un 8,9% en todos os ministerios, en educación recortouse o
64%, producindo un ataque cultural que afecta individual e socialmente.
Este brutal recorte trouxo consigo consecuencias tan terribles como:
·Supresión de:
Bolsas para material escolar e comedor
Bolsas para estudar no estranxeiro
Educación especial
Exención de pagos por falta de recursos
·Aumento de:
As taxas universitarias
Os pagos das residencias
Horas lectivas (pero non os salarios dos mestres)
O número de alumnos por clase (3 alumnos máis por clase aprox.)
·Redución de:
O número de traballadores en xeral (en 2013, 62 000 menos)
O número de profesores (no curso 2012-2013, 19 524 menos)
O número de bolsas de estudos.
Ramas que ofertan os centros
Todas estas consecuencias redactadas así poden parecer insignificantes, ou soamente un
par de cifras. Pero a realidade é moito máis dura e preocupante.
Non soamente se suprimen bolsas e axudas, tamén se suprime o dereito de ter unha
educación pública e de calidade, a liberdade de poder estudar o que se queira
independentemente da capacidade adquisitiva de cada unha, e sobre todo suprímese a
ilusión dos estudantes. Non soamente aumentan as taxas e o número de alumnos por
aula, tamén aumenta a diferencia entre as clases sociais, o privilexio para os ricos e as
desvantaxes para os pobres, o analfabetismo, a incultura, e sobre todo aumenta a
decepción dos estudantes. E non soamente se reducen traballadores e bolsas, tamén se
reducen as posibilidades de cursar estudios superiores e de traballar no mundo do
ensino, e sobre todo redúcese a ilusión dos alumnos.
En definitiva, os recortes en educación están a rematar con nós. Destrúen o noso
pasado, o noso presente e o noso futuro. O noso pasado porque se están a levar por
diante un sistema educativo que as xeracións anteriores loitaron por conseguir. O noso
presente porque xa non fan da educación un dereito, senón un privilexio. E o noso futuro
porque volverán esas persoas sen educación ás que os partidos políticos non terán
dificultades para enganar. Resumidamente, “recortar en eduación é un suicidio social”.

7