Documentos aprobados pola Asemblea Constituínte de Estudantes sen Futuro. Asemblea Constituínte ESF | Page 14

Asemblea Constituínte de Estudantes Sen Futuro
"Tecendo na unidade o movemento estudantil"
Tocante ás organizacións de tipo unitario, caben destacar a Plataforma en Defensa do
Ensino Público, na que se integran CCOO, UGT e o SE, entre outras; e a Plataforma
Galega en Defensa do Ensino Público, na cal se integra a CIG, o SE e a LEG entre outras.
Por outra banda, os Encontros Educativos supoñen unha moi boa ferramenta para
achegar posturas co resto da comunidade educativa de cara a plantexar mobilizacións e
actos conxuntos, e a crear un discurso en positivo de manera unitaria segundo os
diversos puntos de vista, tanto dos distintos territorios como dos distintos sectores da
comunidade educativa.
Aparece tamén como plataforma a ter en conta Queremos Galego, unha plataforma que
defende a lingua galega na situación de diglosia na que se atopa fronte ao castelán.
Cómpre romper os estereotipos e apoiar o traballo desta plataforma e as súas
reivindicacións a pesar de enmarcarse Estudantes sen Futuro a nivel estatal, pois a
defensa da lingua galega é un dos piares ideolóxicos básicos da organización.
O elevado aumento de forzas do movemento estudantil ven tamén acompañado
paralelamente dun elevado aumento da represión das forzas do Estado. O estudantado
consciente non ten só que facer fronte ás forzas ideolóxicas opositorias, senón tamén ás
forzas represivas que tentan condenar a protesta. Cómpre denunciar esta situación e
mostrar solidaridade con todas as afectadas pola represión.
Por todos estes motivos, precisamos que cada vez máis estudantes se conciencien de que
a organización é o único medio para construír unha educación pública, laica, de
calidade, en galego, antipatriarcal e ecoloxista.

14