Documentos aprobados pola Asemblea Constituínte de Estudantes sen Futuro. Asemblea Constituínte ESF | Page 13

Asemblea Constituínte de Estudantes Sen Futuro
"Tecendo na unidade o movemento estudantil"
medio natural fronte a súa exploración indiscriminada levada a cabo polas grandes
potencias económicas.
4. Análise do movemento estudantil
Ante a LOMCE e o proxecto Estratexia Universidade 2015, estase producindo o maior
auxe do movemento estudantil, mediante as mobilizacións máis sonadas dende a
transición, con numerosas asembleas, peches de universidades, folgas e manifestacións;
superando na maioría dos casos a falta de estrutura organizativa do movemento
Antiboloña e aumentando considerablemente a conciencia do estudantado.
A nivel nacional, dentro do movemento estudantil, cabe destacar Acción Universitaria,
organización estudantil que actúa no ámbito universitario e que xorde a partir da antiga
Revoluciona USC. Esta organización sufriu dende os seus inicios un gran salto
cuantitativo e sobretodo cualitativo, expandíndose á cidade de Lugo. A proximidade
entre a liña política desta organización coa de Estudantes sen Futuro fixo que se actuase
conxuntamente en diversas ocasións. O aumento dos ataques ao estudantado e a
profunda relación entre os ataques ao ensino medio e á universidade fan que Acción
Universitaria sexa considerado como unha forza próxima e coa que sacar traballo
conxunto. A nivel nacional, atópase a Liga Estudantil Galega, un sindicato de carácter
nacionalista que aglutina forzas tanto do ensino medio como da universidade. Aínda que
a súa forza é moi desigual nos diferentes territorios de Galiza, sumanse no seu seo unha
cantidade importante de forzas. Apostando pola unidade do estudantado, Estudantes sen
Futuro debe buscar a confluencia en accións conxuntas contra os ataques á educación.

Así mesmo, en 2008 os Comités Abertos de Estudantes e os Comités Abertos de
Facultade decidiron disolverse e fundar unha nova organización de carácter
confederal que derón en chamar “Comités”. Esta organización hoxe en día
atópase nun momento de certa debilidade debido ó auxe de Liga Estudantil
Galega e a súa praxe en moitas ocasións certamente oportunista
A nivel estatal, Estudantes sen Futuro atópase integrado xunto con Acción Universitaria
en Estudiantes en Movimiento (EeM), unha rede organizada estudantil en defensa da
educación pública que busca compartir e analizar análises, información e opinións,
vinculando a loita estudantil por unha educación pública con outras loitas sociais que
afectan tamén ás e ós estudantes, marcando un carácter socio-político nas súas
actuacións que se afaste do corporativismo. Compréndese necesaria a articulación do
discurso de Estudantes sen Futuro a nivel estatal en EeM para poder afondar na unidade
do movemento estudantil.
O Sindicato de Estudantes atópase nun proceso de descenso de forzas debido ao carácter
oportunista e parasitario que o caracteriza e ao seu nulo traballo de base e a súa nula
transparencia. Aínda así, o SE segue a ser un referente do movemento estudantil de
diversos sectores da poboación, aínda que en moita maior medida no plano mediático.

13