599
7. Vir die nuwe toetreder
• Varke moet altyd skoon, vars water hê om te drink. Een vark benodig
minstens 5 tot 10 liter water elke dag.
• Wanneer die sôe hulle kleintjies voed, moet hulle nog meer water
drink omdat hulle melk moet produseer.
• Varke het enkelvoudige mae en benodig twee tot drie maaltye per
dag.
• Verdeel die kos in twee porsies en voer die varke die een helfte in die
oggend en die res in die aand.
• Moenie u varke slegs een maal per dag voer nie. As hulle eers versadig
is, sal hulle met die res van die kos speel, daarop trap en dit bevuil.
Hierdie kos word dus bemors terwyl die varke later weer honger sal
wees.
• Moet nie net een groentesoort (byvoorbeeld kool) aan die varke voer
nie omdat varke baie verskeidenheid in hulle dieet nodig het om gesond
te bly. Selfs gesnyde gras (veral groen gras) kan in klein hoeveelhede
aan die varke gevoer word om hulle dieet aan te vul.
• Dit is belangrik dat klein of swak varke afsonderlik gevoer word, omdat
die groot, sterker varke al die kos sal opvreet.
• Indien u meer as vier volwasse varke aanhou, moet die kos verkieslik in
twee houers verdeel word sodat elke dier sy regmatige deel kan kry.
• Baie varke is pienk en as hulle in die son gehou word, word hulle velle
rooi weens sonbrand. Varke het nie veel hare wat hulle lywe teen hitte
kan beskerm of teen koue kan isoleer nie. Varke ly indien hulle te koud
of te warm kry en moet dus nie blootgestel word nie.
• Baie varke vrek van longontsteking as hulle in koue weer, wind of
reën gelaat word. Varke kan ook van hitte-uitputting vrek indien hulle
sonder beskutting of water in die son gelaat word. Selfs as die diere nie
vrek nie, sal hulle gesondheid nadelig geraak word.
• Varke moet ’n droë, warm slaapplek hê.
• Varke moet uit die direkte son in die skaduwee kan lê. ’n Gedeelte van
die varkhok moet ’n dak hê om genoegsame skaduwee vir al die varke
te verskaf. (Sommige kundiges meen dat die hele hok bedek moet
wees.)
• Indien die dak van metaal gemaak is, moet dit met gras of takke bedek
word om dit koel te hou.
• Baie mense dink dat varke daarvan hou om in hokke te wees met slegs
modder om in te staan. Hierdie wanpersepsie mag daartoe lei dat die
varke siek word omdat hulle aan ongesonde toestande blootgestel
word.
• Varke rol in die modder om hulle teen die son en uiterste temperature
asook teen parasiete soos vlieë te beskerm. Varke het nie modder
nodig nie indien hulle goeie beskutting het en die hokke skoon gehou
word om vlieë en ander parasiete weg te hou.
• Dit is belangrik dat die vloer van die hok skuins moet loop sodat
oortollige water kan wegvloei en die hok droog kan bly. Indien water
wel in die hok opdam, is dit belangrik om ’n dreineringsvoor of sloot te
grawe om water uit die hok weg te lei.
• Varke mis altyd op dieselfde plek. Sorg dat die afval minstens twee maal
per week verwyder word om die gevaar van siektes te verminder.
• Kos- en waterhouers moet minstens twee maal per week deeglik
skoongemaak word.
Bron: Inligtingspak (Info Pak) oor varkverso