489
Bronne vir die hoofstuk: SAGIS, Leon du Plessis van L & L Agricultural Services, die
Departement van Landbou, die Nasionale Meulenaarskamer, www.grainmilling.
org.za.
akkerbou & tuinbou
Strategiese plan vir die bedryf
Die Suid-Afrikaanse koringbedryf se missie is om langtermynvoorkeurverskaffers van koring, koringmeel en ander koringprodukte op
die plaaslike mark en in geselekteerde internasionale markte te word.
Dit beteken dat die bedryf noodwendig aan die vereistes en kernmerke
van sy teikenmarkte moet voldoen. Na omvattende analises en volgehoue
besprekings tussen al die rolspelers is ’n aantal doelwitte gesTel.
• Werk met die regering en regeringsorganisasies saam om hulle
aktiewe steun te verkry ten einde die kort en langtermyndoelwitte
van die bedryf te verwesenlik.
- Handel en tariewe
- Gehalte en standaarde
- Inligting
- Navorsing
- Infrastruktuur
- Algemene regeringsake
•
Ondersteun die hele waardeketting om die beste paktyke en
standaarde in plek te stel sodat prestasie deurgaans gemeet kan
word.
- Opleiding (ontwikkel toepaslike vaardighede in alle sektore)
- Tegnologie (maak gebruiik van wêreldklastegnologie)
• Identifiseer internasionale bemarkingsgeleenthede en moniteer en
analiseer handelsooreenkomste tot voordeel van die bedryf.
- Bring ’n uitvoerraad/gesamentlike aksiegroepe op die been.
- Raak by die Nepad-inisiatief betrokke.
- Werk saam met die regering in handelsooreenkomste.
- Verkry toegang tot ’n internasionale databasis.
- Ontwikkel vaardighede om invoer /uitvoerkwessies te kan
hanteer.
- Doen navorsing oor tariefbeleidsrigtings.
• Help met die ontwikkeling van en deelname aan klein, medium en
mikrobesighede, swart ekonomiese bemagtiging en besighede met
vroue as eienaars in die bedryf.
- Bestee geleenthede uit aan bogenoemde groepe.
- Verskaf tegniese en bestuurshulp.
- Werk met die regering saam om finansiële en tegniese bystand te
verleen.
- Bied opleiding aan.
- Verleen hulp met die verkryging van insette.
- Verleen hulp met logistieke probleme en die bemarking van hulle
produkte.
Bron: Plan vir die koringbedryf
Ons dank aan die Wintergraantrust en SAGIS vir terugvoering op die
konsephoofstuk.
Kruie en speserye
Sien ook die “Essensiële- en plantolies” en “Inheemse medisinale plante”
hoofstukke
1. Oorsig
Kruie en speserye word gebruik om ons voedsel geuriger en smaakliker te
maak. Dit is hierdie geure en smake wat die veelsoortigheid en tapisserie
van streke, nasies en kontinente uitbring.
Die toenemende vraag na natuurlike geurmiddel in ontwikkelde lande hou
geweldige potensiaal vir speseryboere in. Speserye sluit onder meer peper,
gemmer, kaneel, naeltjies, paprika en neutmuskaat in.
Kruie en speserye word vars, gedroog en in mengsels by die voorbereiding
van voedsel en drinkgoed gebruik. Omdat daar so ’n groot verskeidenheid
is, moet ’n boer deeglike marknavorsing onderneem om te besluit watter
gewas om te verbou.
Kruie en speserye word ook gebruik om siektes te behandel. Dit word
deur plantterapeute (persone wat praktiseer in kruiegeneesmiddels) en
homeopate gebruik om ’n groot verskeidenheid gesondheidsprobleme te
behandel.
Die eindproduk van kruie en baie speserye is essensiële olies (sien die
afsonderlike hoofstuk) Buiten hul gebruik as geurmiddels en farmaseutiese
produkte speel essensiële olies ook ’n rol in persoonlike sorg items
(skoonheidsmiddels, tandepasta en parfuum) en word hulle ook gebruik vir
industriële doeleindes (waspoeier, politoer en verwe) Nuwe aanwendings
in landbou sluit die gebruik van kruie en speserye as organiese plaagdoders
in en dit word deur veeartse gebruik as insekafweermiddel en veiliger vlooien bosluisdipmiddel.
Bronne: Southern African Essential Oil Producers Association (SAEOPA) en www.
naturalnutrition.co.za
2. Internasionale sakeomgewing
Afrika se lae per capita inkomste, veral onder die landelike bevolking, kan
regstreeks aan die probleme van armoede en voedselskaarste gekoppel
word. Landbou is dus ’n kritieke middel tot ekonomiese groei, of dit het
die potensiaal om dit te word. Kleinskaalprodusente in hoofstroomlandbou
het egter met verskeie probleme te kampe: onder andere dalende pryse
vir tradisionele gewasse, gebrek aan toegang tot kapitaal, vervoer, toegang
tot die mark en die feit dat die mark onder andere deur groot kommersiële
ondernemings oorheers word.
Alternatiewe gewasse in die vorm van natuurplante is baie meer geskik
vir die skepping van lewensvatbare landbou-ondernemings in landelike
gemeenskappe. In die eerste plek kom inheemse Afrika-plante natuurlik
voor en is dit relatief maklik om kommersieel te verbou. Tweedens
is die produksie van natuurplante arbeids- eerder as kapitaalintensief,
wat die kapitaalbelegging verlaag terwyl dit terselfdertyd ’n groot
werkskeppingspotensiaal het. In die derde plek het die Afrika-gemeenskap
uitgebreide kennis van inheemse plante, wat ’n natuurlike mededingende
voordeel in hierdie sektor skep.
Gunstige marktoestande in die sektor vir natuurplante steun ook die
betrokkenheid van kleinskaal-verskaffers. Die wêreldwye nutraseutiese
mark alleen is na raming jaarliks $60 duisendmiljoen werd wat die
verkope van dieet- en maaltydaanvullings, asook spesialiteitsprodukte
betref. Daar is ook ’n toenemende vraag na organiese en natuurprodukte
soos kruietee, essensiële olies, kruie en speserye, plantgeneesmiddels en
plantskoonheidsmiddels. Hierdie groei word ondersteun deur ’n wêreldwye
wegswaai van sintetiese produkte na produkte wat op ’n natuurlike,
gesonde, volhoubare wyse geproduseer en billik verhandel word.