487
provinsies geproduseer word, lewer die Wes-Kaap en Vrystaat saam twee
derdes van die koringoes. Koring word ook onder besproeiing geproduseer
as ’n gewilde alternatiewe wintergewas vir dubbele oeste. Ongeveer 12%
van die totale gebied wat onder koring is, word besproei.
Die Nasionale Meulenaarskamer publiseer jaarliks ’n lys voorkeurkultivars
wat in drie kategorieë verdeel is: kultivars vir droëland-produksie (sonder
besproeiing) in die noorde, kultivars vir produksie in die suide, en
besproeiingskultivars. Die lys is beskikbaar by www.grainmilling.org.za.
Die produsente en ander rolspelers soos die Landbounavorsingsraadhet
aangevoer dat die regering ’n strategie moet aanvaar wat kan lei tot
volhoubaarheid in die koringverbouingsektor. Hierdie mense wys daarop
dat produsente hier nie vra dat hulle gesubsidieer moet word nie, maar
dat daar vir hulle vir beskerming sal wees teen produsente in ander lande
wat wel gesubsidieer word. Die huidige tarief is 2%, maar kan ingevolge
die reëls van die Wêreldhandelsorganisasie tot meer as 70% verhoog
word.
4. Opkomende boere
As ’n land wat gereeld koring invoer, is SuidAfrika en sy koringbedryf ten volle geïntegreer
in die wêreldwye koringmark wat toenemend
gekonsentreerd en gesofistikeerd geraak
het, en daar is baie veranderlikes wat in ag
geneem moet word. Wisselkoersfluktuasies
hou byvoorbeeld ’n uitdaging in vir selfs die
mees gesofistikeerde boere om doeltreffend
te beplan en hul boerdery winsgewend te
hou. SAFEX is ’n nuttige hulpmiddel as skans
teen wisselkoersrisiko, maar die minimum
hoeveelhede wat vereis word om op SAFEX
te verhandel, maak dit minder toepasbaar vir
klein opkomende boere.
Hoewel transformasie van die bedryf belangrik
is vir langtermyn-volhoubaarheid in Suid-Afrika,
moet hierdie transformasie op ekonomies
haalbare wyse bewerkstellig word. Die aard
van koringproduksie en sy waardeketting maak
dat produksie op klein skaal onlewensvatbaar
is. Dit is feitlik verseker beter om groter, meer
gesofistikeerde opkomende kommersiële
boere te help om die bedryf op lewensvatbare
wyse te betree. Dit is nie raadsaam om boere
wat hoofsaaklik op bestaansvlak aktief is, aan
te moedig om hul skaars hulpbronne in ’n
kwynende bedryf te investeer nie.
Bron: Aangepas uit ’n verslag in opdrag van die
Koringforum oor ’n ondersoek na die potensiële
betreding van en geslaagde deelname van opkomende
swart boere aan koringproduksie. Kontak die
Koringforum (besonderhede onder opskrif 5).
Die LNR se Kleingraaninstituut het
’n besonder aktiewe program vir die
ondersteuning van boere, en hu lle het baie
projekte wat op die opkomende boere gemik
is. Die koördineerder is dr. Eric Morojele by
058 307 3427 of 076 378 0382.
Die LNR-KGI het ’n geskeduleerde
opleidingskursus, gewoonlik in Oktober, wat
spesifiek gemik is op voorligtingsbeamptes
wat met opkomende boere saamwerk.
Sien publikasies wat beskikbaar is onder die
“Publikasies en webtuistes”-opskrif
Vind die tegniese inligting op die LNRwebtuiste – www.arc.agric.za.
5. Verenigings wat betrokke is
Vind besonderhede oor Graan SA, SAGIS, die Nasionale Meulenaarskamer
en die Graan Silo Industrie in die hoofstuk oor Graan & Oliesade.
The Wheat Forum
Tel: 012 807 3958
Die Koringforum is verteenwoordigend van die belangrike
sektore wat by die koring- en
koringproduktebedryf betrokke
is, naamlik koringprodusente,
meulenaars, bakkerye, vakbonde,
verbruikers en die regering wat
met beleid en kwessies van
onderlinge belang te doen het.
Wintergraantrust
Tel: 012 663 1600
www.wintercerealtrust.co.za
Suid-Afrikaanse Kamer van
Bakwese
Tel: 012 663 1600
www.sacb.co.za