481
Woolworths het die wêreld se derde grootste verbruiker van organiese
katoen geword, naas die Amerikaanse reuse Wal-Mart en Nike, volgens
Organic Exchange, ’n internasionale organisasie wat hom beywer vir ’n
toename in die wêreldwye verskaffing van organiese katoen.
Bron: Cotton SA, Bizcommunity
3. Plaaslike sakeomgewing
Besoek www.cottonsa.org.za vir die jongste verslae oor die katoenmark.
• inleiding, grondvoorbereiding en aanplanting
• plantbeskerming, plae, siektes en onkruid
• gewasvoorbereiding voor oestyd, oeswerk en gradering
• finansiële bestuur
Die kursusse is sowel teoreties as prakties. Laasgenoemde maak
ongeveer 60% van die kursusinhoud uit. Deskundiges op elke gebied
word uit verskillende katoenrolspelers gekies om hul kundigheid aan die
opleidingsgroepe oor te dra. Tot dusver het ongeveer 933 kleinskaalse
boere hierdie kursusse bygewoon (359 uit KwaZulu-Natal, 213 uit die
Limpopo-provinsie, 293 uit Mpumalanga, 37 uit die Oos-Kaap en 31 uit
die Noordwes-provinsie).
Katoen in Suid-Afrika word tans volgens vryemarkbeginsels bemark, dit
wil sê daar is geen tussenkoms of beperking ten opsigte van die koop en
verkoop daarvan nie, en pryse word deur die mark bepaal.
Katoen SA het onlangs ook ’n mentorskap-program vir kleinskaalse
katoenboere begin. Hierdie projek is daarop gerig om ’n aantal mentors
te voorsien wat kleinskaalse boere kan ondersteun en kennis en praktiese
vaardighede aan hulle kan oordra. Hierdie mentors rapporteer aan die
bestuurder van die mentorskap-program.
Boere wat katoen in Suid-Afrika produseer, bemark dit op een van die
volgende maniere:
• Die katoenpluksel word deur die boer aan ’n pluismeulenaar verkoop,
wat die katoen pluis en vir sy eie rekening direk aan spinners (en die
saad aan verwerkers) verkoop of dit indirek deur van agente gebruik te
maak; of
• Die boer verkoop die pluksel nie aan die pluismeulenaar nie, maar
kontrakteer die pluismeulenaar om dit vir hom te pluis teen betaling van
pluisgeld (sommige boere het ook hul eie pluismeule). Die katoenvesel
en die saad bly die eiendom van die produsent, wat dit dan óf self
bemark óf die pluismeulenaar of iem