430
3. Transformasie
Kry die opskrif “Transformation” by www.potatoes.co.za. Transformasie is ook een
van Aartappels Suid Afrika se kernondernemings (lees die notas onder opskrif 4).
4. Maatskappye wat betrokke is
Aartappels Suid-Afrika (ASA)
Tel: 012 349 1906
Faks: 012 349 2647
www.potatoes.co.za
ASA is die aartappelbedryf se verteenwoordigende organisasie, en speel
’n toonaangewende rol in volhoubare aartappelproduksie in Suid-Afrika.
ASA sou as die “enjin” van die bedryf beskryf kon word, en deur sy vyf
kernondernemings betrek die organisasie die volle spektrum aktiwiteite en
rolspelers in die aartappelbedryf by sy komitees en forums.
Sy kernondernemings is die volgende:
• ’n Bedryfsinligtingsdiens. Hierdie onderneming is verantwoordelik
vir die insameling en verspreiding van produksie- en markverwante
inligting aan alle rolspelers in die aartappelaanbodketting. Die klem val
daarop om bruikbare inligting tydig te verstrek, ten einde gebruikers
in staat te stel om ingeligte besluite oor die produksie en bemarking
van aartappels te neem. Daar word van die dienste van die Universiteit
van Pretoria en van die Vrystaat gebruik gemaak om inligtingsverwante
programme te ontwikkel.
• Markontwikkeling en produkpromosie.
Hierdie werksaamhede
behels die ontwikkeling van plaaslike en buitelandse markte deur
middel van geïntegreerde promosieveldtogte in samewerking met
bedryfsvennote in die aartappelbemarkingsketting. Ander aspekte
waarna omgesien word is graderingsregulasies, verpakking en sosiale
verantwoordelikhede. ASA gee die Universiteit van Pretoria gereeld
opdrag om in markverwante veldtogte behulpsaam te wees.
• Navorsing, ontwikkeling en tegnologie-oordrag. Dit behels die fasilitering
en bestuur van navorsingsprogramme tot voordeel van rolspelers in die
bedryf soos aartappelprodusente, -verbruikers en -verwerkers. ASA
gee opdragte aan vennote soos die Landbounavorsingsraad (LNR), die
Universiteit van Pretoria en Stellenbosch, die provinsiale departemente
van landbou, ensovoorts. Hy is ook verantwoordelik vir die bestuur
van die streeksaartappelwerksgroepe wat aartappelproewe op plase
uitvoer, en stel vas wat die navorsingsbehoeftes van aartappelprodusente
op grondvlak is.
• Transformasie. Die transformasieprogramme word voortdurend
uitgebrei en fokus op die areas ondenemingsontwikkeling,
billikheidsvennote, SEB-voldoening, vaardighede-ontwikkeling en sosioekonomiese ontwikkeling. Die oorkoepelende doel van transformasie
is om volhoubare ekonomiese ontwikkeling en verandering vir
aartappelprodusente te bewerkstellig.
• Streeksdienste. Die vyf streekskantore is strategies geplaas om dienste
aan aartappelprodusente in die 16 produksiestreke te lewer. Hulle
lewer ook ’n ondersteuningsdiens aan die ander kernondernemings
ten opsigte van die identifisering van navorsingsbehoeftes, die vestiging
van kommunikasienetwerke, die organisering van inligtingsessies en
die voorsiening van streeksopbrengsramings.
Omvattende inligting oor hierdie kernondernemings is by die ASA se webtuiste
beskikbaar.
Potato Certification Service
(PCS)
Tel: 012 349 1910
Faks: 012 349 1909
Die PCS is verantwoordelik vir die
sertifisering van aartappelmoere.
Daar word dus vasgestel of
die
plantgesondheidstatus
ten opsigte van siektes en
plae
binne
voorafbepaalde
norme vir die betrokke tipes
val.
Die
sertifiseringskema,
wat aan die bepalings van die
Plantverbeteringswet
53
van
1976 voldoen, bepaal dat elke
geslag aartappelmoere aan die
gehaltestandaarde moet voldoen.
Om die volhoubaarheid van
moerproduksie in Suid-Afrika te
verseker, word die kriteria van
die skema op siektevrye materiaal
(met nultoleransie) gebaseer.
Product Control for
Agriculture (Prokon)
Tel: 012 325 4579
Faks: 012 325 2461
http://prokonsa.co.za
Prokon is deur die Departement
van Landbou Bosbou en Visserye
(DLBV) gemagtig om die amptelike
vereistes ten opsigte van die
gradering, merk en verpakking
van aartappels toe te pas. ASA
het P ɽ