370
Rekeningkundige beroepe sluit in dié van geoktrooieerde rekenmeester;
kosterekenmeester;
finansiële
rekenmeester;
rekeningkundige
bestuurskonsultant; finansiële bestuurder; ouditeur; kredietkontroleur;
boekhouer.
Sakeproses-uitkontraktering en aflandige ontwikkeling
(BPO&O)
Hierdie bedryf, wat slegs ongeveer ’n dekade in Suid-Afrika aktief is,
sal na verwagting oor die volgende vier jaar met 50 persent groei. Dit
sal baie werkgeleenthede vir werklose Suid-Afrikaners skep: ’n mens
het net ’n basiese matriekkwalifikasie nodig. Dit sluit beroepe soos
oproepsentrumagente in.
Skakelwerk
Iemand wat op die gebied van openbare betrekking werk, vorm en handhaaf
’n goeie beeld van die organisasie waar hy of sy werk en toon aan die
publiek wat van die organisasie aantreklik en aanloklik is. Die persoon vestig
tweerigtingkommunikasie tussen die organisasie en die publiek of gehore
(bv. klante, ander besighede, regerings, aandeelhouers, spesialebelangegroepe, werknemers en gemeenskappe). ’n Verbandhoudende beroep is
dié van personeelkonsultant.
Siviele ingenieur
Siviele ingenieurswese is waarskynlik die omvangrykste van alle
ingenieursterreine. Siviele ingenieurs skep, verbeter en verskaf fasiliteite
vir die lewe, bedrywe en vervoer. Siviele ingenieurs moet kennis dra van
materiale, grond, hidroulika en vloeimeganismes. Hulle werk behels ook
die beskerming van die omgewing. Siviele ingenieurs word bygestaan deur
siviele ingenieurstegnici wat die meeste van die praktiese en funksionele
werk doen en siviele ingenieurstegnoloë wat die meer teoretiese werk soos
beplanning, ontwerp en navorsing doen.
Sosiale Wetenskaplike
Sosiale wetenskaplikes is betrokke by die oorsprong en ontwikkeling
van die menslike samelewing en die instelling, verhouding en idees in die
lewe en die samelewing. Iemand wat in ’n beroep in sosiale wetenskappe
belangstel, kan die volgende oorweeg:
• Sosioloog — ondersoek die maniere waarop sosiale groepe (bv.
families, stamme en gemeenskappe) en instellings (bv. religieuse,
politieke en sake-instellings) met mekaar in interaksie tree en mekaar
en individue se gedrag beïnvloed.
• Industriële sosioloog — pas die beginsels van sosiologie op
werkersorganisasies en die verhouding tussen werkers en werkgewers
toe en is betrokke by arbeidsverhouding in komplekse industriële
samelewings
• Antropoloog — bestudeer die oorsprong, ontwikkeling en
funksionering van menslike samelewings en kulture (huidige en vorige)
deur byvoorbeeld religie, familie- en verwantskapstelsels, tale, kuns,
musiek en ekonomiese en politieke stelsels te ondersoek. Antropoloë
mag spesialiseer as toegepaste antropoloog; fisiese antropoloog;
linguistiese antropoloog; en ’n sosiale/kulturele antropoloog.
Sport-en-ontspanningsbeampte
Toerisme en ontspanning is die snelgroeiendste bedrywe in Suid-Afrika
en bied ’n interessante toekoms - op die gebied van waterverwante
ontspanningsaktiwiteite, ekotoerisme en vele ander. Daar is verskeie
beroepe op die gebied van sport en ontspanning om van te kies:
toeristebestuurder, toeroperateur, toergids, toeriste-inligtingsbeampte,
reisagent of ontspanningsbestuurder/-beampte.
Stads-en-streekbeplanner
Stads-en-streekbeplanners ontwikkel planne en beleid vir die gebruik
van hulpbronne en grond en vir die verbetering van mense se
lewensomstandighede. Stads-en-streekbeplanners word bygestaan deur
stads-en-streekbeplanningstegnici.
Sweiser
Sweisers heg twee of meer stukke metaal aan mekaar deur die aanwending
van hitte, druk, of ’n kombinasie van die twee. Kopersweis, soldeer,
elektronstraal en laserstraal is ander metodes waarop staal geheg kan
word. Iemand wat oor ͽ