369
Die bekendstelling van GIS (geografiese-inligtingstelsels) en ander
rekenaarondersteunde karteringstelsels; koordlose toepassings en GPS
(globale posisioneringstelsels) het nuwe dimensies tot kartografietegnieke
en die gebruik van ruimtelike inligting toegevoeg. Konvensionele karteringstegnieke word al meer met rekenaartegnologie vervang.
Laboratoriumwerker/Ontleder
Laboratoriumtegnici of -tegnoloë help die wetenskaplikes (in die
fisiese, chemiese, biologiese en lewenswetenskappe) deur monsters te
versamel, eksperimente uit te voer, mate te neem en uitslae aan te teken.
’n Chemieselaboratorium-tegnikus of -tegnoloog help om chemiese en
verbandhoudende produkte te ontwikkel, produseer en gebruik.
Landmeter
Landmeting (ook geomatika genoem) is die wetenskap van die opmeting
en kartering van die aardoppervlak, wat natuurlike en mensgemaakte
kenmerke en die see insluit. Na ’n aantal jare in die veld kan landmeters as
een van die volgende spesialiseer: Hidrografiese landmeter; Landmeter
— ook kadastrale landmeters genoem; Ingenieurslandmeter — meet
roetes vir pyplyne, rioolslote, tonnels, paaie en spoorweë uit; Topografiese
landmeter — doen opmetings en neem lugfoto’s van fisiese kenmerke op
die aarde soos riviere, heuwels en valleie om kaarte daarvolgens saam te
stel; Geodetiese (aardmeetkundige) landmeter — bepaal posisies op die
aarde se oppervlak baie akkuraat deur gebruik te maak van satellietseine
(bv. die globale posisioneringstelsel of GPS); die posisies van die sterre
en elektroniese afstands- en gelykmakings-afmetings; Mynlandmeter —
bepaal die grense van myne, ondergrondse afmetings en oopgroefmyne;
Afstandswaarnemingslandmeter — monitor veranderinge in die aarde
se kenmerke deur die gebruik van digitale data van hoëresolusiesatelliete en
ander beeldstelsels in die lug.
Maatskaplike werker
Maatskaplike werk behels die welstand van mense en hulp aan mense om
probleme te hanteer wat veroorsaak word deur swak sosiale toestande,
werkloosheid en armoede.
Inligtingstegnologiespesialis
Mens wat met inligtingtegnologie (IT) werk hou hulself besig om
rekenaars te programmeer om take uit te voer (rekenaarprogrammering),
rekenaarprogramme te ontwerp en ontleed (stelselontleding), administrasie
van databasisse en netwerke, bedryf van rekenaarstelsels en die ontwerp
van hardeware. Beroepe wat met IT te doen het sluit die volgende in:
webtuiste-ontwerper, netwerkkontroleur, rekenaarkonsultant, elektroniese
ingenieur, persoonlikerekenaarondersteuningstegnikus, Internetdienste en
ondersteuningstegnikus.
Meganiese ingenieur
’n Meganiese ingenieur ontwerp, ontwikkel, produseer, installeer, bedryf,
toets en onderhou masjinerie en meganiese toerusting. Meganiese ingenieurs
word bygestaan deur meganiese-ingenieurstegnoloë en -tegnici en hulle
werk almal nou saam met ander professionele persone (bv. met argitekte
in die ontwerp van lugversorgingsaanlegte). Meganiese ingenieurs, tegnoloë
en tegnici spesialiseer gewoonlik op ’n bepaalde gebied en die meganiese
toerusting wat daarmee gepaard gaan. Die volgende is enkele voorbeelde:
• Landbou — trekkers, dorsmasjiene, stropers, melkmasjiene en
verpakkingsmasjiene
• Water — ontwerp en bou wateraanlegte en verwerkingsaanlegte vir
afvloeiwater
• Kragopwekking — stoom-, water-, gas- en kernkragturbines wat
gebruik word om kragopwekkers aan te dryf
Mensehulpbron- of personeelbestuurder
Mensehulpbron- of personeelbestuurders bemoei hulle met die mense by die
werk en hul verhoudings met mekaar en die organisasie, bv. indiensneming,
opleiding of mensehulpbronontwikkeling, organisasiebeplanning en ontwikkeling, arbeidsverhoudinge, besoldiging, navorsing en administrasie.
Meteoroloog
’n Meteoroloog bestudeer die aarde se atmosfeer en die verandering daarin
wat die daaglikse weer, langtermynklimaat en uiterste weerstoestande
soos orkane en tornado’s beïnvloed. ’n Weerkundige voorspel die
weersomstandighede deur neigings in die atmosfeer, soos winde,
neerslag en lugdruk, te bestudeer. ’n Verbandhoudende beroep is dié
van meteorologiese tegnikus wat verantwoordelik is vir die insameling
van meteorologiese inligting en vir die bedryf en instandhouding van
weerwaarnemingsnetwerke.
Navorser
Navorsers voeg kennis by tot hul bepaalde velde. Navorsers kyk na dit
wat oor die bepaalde veld bekend is en toets hierdie teorieë om te kyk hoe
waar dit is. Navorsers versamel inligting en organiseer dit op so ’n manier
dat mense verskillend daarna kyk. Navorsers word ook aangemoedig om,
indien moontlik, nuwe tegnologie te ontwikkel.
’n Navorser in basiese of fundamentele navorsing in die natuurwetenskappe bestudeer en probeer bepaal watter beginsels en wette die biofisiese
wêreld onderlê en beheer. ’n Navorser wat by toegepaste navorsing
betrokke is, soek praktiese maniere om basiese navorsing te doen. Albei
tipes navorsing is nodig. Hoe meer ons daarvan weet en leer, hoe meer
toepassings is moontlik. Innovering is die eindproduk van hierdie tipe
na ٽ