317
Die stigma, verskillende wanopvattings en die vrees dat jy alleen sal
sterf as jy met MIV gediagnoseer word, veral in landelike gebiede, maak
dit gebiedend noodsaaklik dat ’n MIV/vigs-beleid gebou moet word
op vertroue en selfvertroue onder al die belanghebbers/spelers. Die
betrokkenheid van alle belanghebbers op ’n vroeë stadium help bou aan
die nodige spanbenadering.
Voordat bewustheidsessies vir die plaaswerkers in ons programme
begin word, moet die boer/plaasbestuur met die plaaswerkers praat
en betrokkenheid aandui en hulle die versekering gee dat mense nie
afgedank sal word nie (een van die vrese is dat hulle afgedank sal word
indien hulle positief toets).
Deur ’n MIV-program te begin word die hoop gevestig dat die werkers
meer kundig sal wees oor die belang van ’n gesonde lewenstyl.
AgriAids, deur befondsing deur USAID, spesialiseer in die vestiging van
MIV-bewustheid, toetsing en ondersteuning vir plaaseienaars en -werkers.
De Departement van gesondheid is ’n sleutelvennoot in al die AgriAidsintervensies, aangesien hulle betrokkenheid volhoubaarheid verseker.
Bron: AgriAids. Skakel 012 392 0500 of besoek www.agriaids.org.za
3. Die selfversorgende boer
MIV/vigs verhaas armoede op die platteland en lei tot die verwoesting van
uitgebreide familiebetrekkinge wat oor jare heen die grondslag vir tradisionele
veiligheidsnetmeganismes uitgemaak het.
Bestaansboerdery is moeilik, veral in gebiede wat swaar onder MIV gebuk
gaan. Benewens die voorkoms van vigs, word boere deur droogte en siektes
geteister wat die lewe vir die betrokke mense net nog swaarder maak.
Bestaansboere werk meestal in afgeleë plekke waar toegang tot markte
en landboudienste swak is. Armoede kom algemeen voor. Die las van die
versorging van