297
Koelkamers
• Koelkamers gebruik groot hoeveelhede krag. Deur egter ’n paar
eenvoudige stappe te neem, kan die verlies aan koue beperk word en
kan elektrisiteitsuitgawes verminder word.
• Elektrisiteit word bespaar deur die deure van koelkamers behoorlik
geseel te hou. As die deure oopgemaak word slegs wanneer dit nodig
is, word voorkom dat koue na omliggende areas “lek”. Onthou ook
dat oorvol koelkamers minder doeltreffend verkoel. Lug vloei nie so
maklik tussen en onder goedere in oorvol kamers nie. Gevolglik neem
dit langer om die goedere af te koel en word meer elektrisiteit benodig
om bergingstemperatuur te bereik.
• Kondensators moet goed geventileer wees om die beste werkverrigting
te lewer. Die beste resultate word verkry as die kompressorkamers
en kondensators aan die suidekant van ’n gebou ingerig word waar
dit nie deur direkte sonlig geraak word nie. Filters en pype moet
gereeld nagegaan word om te sorg dat dit skoon bly. Sorg ook dat daar
genoeg gas in die lugversorgingseenheid is. Die korrekte gebruik van
luggordyne sal ook die verlies aan verkoelde lug verminder.
Die vermindering van die energiebehoeftes in dierebehuising
• Die vermindering van die onkoste vir dierebehuising begin by die gebou
self. Goeie isolering in die dak verseker ’n koel omgewing die hele jaar
deur sodat minder geld aan bykomende energie spandeer moet word
om temperature te reguleer. As ’n dak silwer geverf word, word meer
hitte van die struktuur af weggekaats.
• As u dierebehuising bou, moet die lang mure noord en suid front en
die kort mure wes en oos. Dit sal help voorkom dat hitte bedags binne
geboue opbou.
• By die gebruik van natuurlike ventilasie in dierebehuising moet
geboue nie wyer as 12 meter wees vir die optimale benutting van
windverkoeling nie.
Die verhoging van energiedoeltreffendheid by dierevoerverwerkingsaanlegte
• Dierevoerverwerkingsaanlegte bevat gewoonlik ’n groot aantal
elektriese motors. Die installering van ’n kondensatorbank verhoog
die elektriese doeltreffendheid van ’n aanleg. ’n Aanleg kan sodanig
bestuur word dat skoonmaakwerk en ander bedrywighede wat
min elektrisiteit vereis gedurende spitstye gedoen word, terwyl die
werklike bedrywighede buite Eskom-spitstye plaasvind.
Die isolering van kweekhuise
• Wanneer kweekhuise gebou word, moet dubbel geïsoleerde
plastiekbedekking gebruik word omdat dit die hitte in kweekhuise
beter terughou. As lug- en grondtemperature met behulp van isolasie
konstant gehou word, word minder energie benodig om hitte in die
kweekhuisomgewing te genereer.
Boerdery met alternatiewe energiebronne
• Boere kan die afval wat van die gewone boerderybedrywighede
afkomstig is, ben WB