296
nasionale kwessies
Energie
Toenemende pryse van energie is ’n aansporing om verbruik te verminder
en om energie meer doeltreffend te gebruik. (sien opskrif 3: wenke aan
boere oor hoe om dit te doen). Dit is ook ’n aansporing aan onafhanklike
kragvoorsieners, veral dié met hernubare energiebronne, om krag op te
wek.
3. Energiebesparende boerdery
Kyk ook die hoofstukke oor hernubare energie, biobrandstowwe, brandstowwe
en smeermiddels.
’n Boer is ’n sakeman en is net so gretig om bedryfskoste te beheer as om
landerye, oeste en vee te bestuur.
1. Oorsig
Boere is ook bewus van die stygende koste van energie wat bedryfskoste
aansienlik verhoog. Deur hierdie koste te beheer, raak ’n mens meer bewus
van energie en wyses waarop elektrisiteit doeltreffender aangewend kan
word sonder om produktiwiteit in te boet.
Energie is die lewensaar of krag wat jy nodig het vir als wat jy doen: van
wakker word in die oggend en eet of drink tot loop, bestuur, dink en werk
en selfs om pret te hê. Die energie wat ons nodig het om ons daaglikse take
te voltooi kom van die son en die kos wat ons eet.
Daar is nog ’n baie belangrike tipe energie waarsonder ons eenvoudig nie kan
klaar kom nie. Dit is die tipe energie wat ons benodig om ons huishoudings
aan die gang te hou, om ons werk by ons werkplekke te verrig en om die
goedere wat ons benodig om van te lewe te vervaardig. Ons het dit nodig
vir warm water; om kos mee te maak en elke keer wat ons ligte aanskakel
of toebehore gebruik soos strykysters; wasmasjiene; verwarmers; televisies;
rekenaars; kraggereedskap; industriële toerusting en vele meer.
Energie is ’n sentrale element van die ekonomie en die lewe soos ons dit
ken.
Die agro-voedsel industrie is ’n elektrisiteit-sensitiewe bedryf en die
konstante en bekostigbare verskaffing van energie is onontbeerlik tot die
bedryf se volhoubaarheid en mededingendheid. Omdat hierdie selfde
agro-voedselbedryf verseker dat ons as ’n nasie voedselsekuriteit geniet, is
energie ’n nasionale kwessie.
Bron: Notas van die National Energy Efficiency Campaign wat bestuur word deur
die Government Communication Information System (GCIS); Agricultural Business
Chamber. Terugvoering uit die BUSA vergadering met die Minister van Energie in
2011.
Op die Afrika-vasteland word die tekort aan energie geïdentifiseer as ’n
belangrike rede hoekom maatskappye nie kan uitbrei en dus nie nuwe
werkers in diens kan neem nie. Om ’n elektrisiteitsverbinding in subSahara Afrika te bekom kos gemiddeld meer as enige ander plek op Aarde,
volgens die African Economic Outlook Report van 2012. Dit het grootskaalse
implikasies vir ’n vasteland met ’n groot werkloosheidsprobleem, veral
onder jong mense.
Bron: Die artikel “Renewable energy technologies could be Africa’s saving grace”
Mail & Guardian 1 Junie 2012
2. Energie doeltreffendheid
• Ons energie in Suid-Afrika kom tans hoofsaaklik van elektrisiteit wat
geproduseer word by steenkool-aangedrewe kragstasies. Die prosesse
laat kweekhuisgasse vry wat skadelik is vir ons omgewing.
• Vanweë die aansienlike sosio-ekonomiese ontwikkeling wat in ons land
plaasgevind het sedert 1994 moet baie meer elektrisiteit geproduseer
word om aan die aanvraag van so baie mense en besighede te voorsien.
Dit het daartoe gelei dat selfs meer van hierdie skadelike gasse in die
omgewing vrygestel word.
• Om energie effektief te gebruik beteken nie dat ons heeltemal moet
ophou om energie te gebruik nie. Dit beteken bloot dat ons nie
onnodige energie moet vermors nie, dat ons minder energie moet
gebruik om dieselfde aktiwiteite te verrig en dat ons moet leer hoe
om gebruik te maak van ander, hernubare bronne van energie wat
vriendeliker is teenoor Moeder Aarde. Deur dit te doen red ons die
omgewing vir komende gesla wFR