148
• Huise word ontwerp vir maksimale energiedoeltreffendheid, met
inagneming van groen- en waterbesparingstrategieë. Dit behels ook
dat water wat van dakke afloop, opgevang en geberg word vir eie
gebruik.
• Die plasing van wonings in ’n landskap, hetsy landelik of stedelik, is
kritiek.
• Die ontwerp van huise sodat sonenergie maksimaal benut word, verlaag
ook die koste van verhitting en verkoeling aansienlik. Goeie ontwerp
het ook ’n uitwerking op mense se verstandelike gesondheid.
• Die konstruksie van wonings is arbeidsintensief, en vereis nie
noodwendig hoogs geskoolde arbeid nie. Dit kan ruim tot werkskepping
in Suid-Afrika bydra.
4. Opleiding en navorsing
Mense dwarsoor die wêreld word in permakultuurontwerp opgelei, hetsy
hulle geletterd is of nie. Baie kursusse moet ook in die moedertaal van
betrokke studente vertaal word.
Permakultuurontwerp-kursusse (PDC)
’n Volledige permakultuurontwerp-kursus behoort minstens 72 ure
(ongeveer 12 dae) te duur en kerninligting te dek. Dit behoort intensiewe
ontwerpopdragte in te sluit. Dit is ’n internasionaal erkende kursus.
Energie en tegnologie
Kort kursusse
Groentegnologie is nog ’n belangrike komponent in permakultuurontwerpe.
Ons individuele en kollektiewe impak op die planeet het ’n uiters negatiewe
uitwerking. Eenvoudige tegnologie soos sonverhitting en -elektrisiteit
kan ’n las van Suid-Afrikaanse energie-opwekkingsvereistes – wat
grootliks afhanklik is van die ontginning en verbranding van steenkool
– wegneem. Steenkoolontginning en -verbranding het ’n uiters negatiewe
uitwerking op