117
Wanneer afvalolie nie verbrand word nie, word dit dikwels gebruik om
houtpale mee te behandel. Hoewel dit algemene praktyk is, ontmoedig
bestuurspraktyke vir gevaarlike afvalstowwe hierdie gebruik en word daar
aanbeveel dat dit korrek behandel word voor daar van ontslae geraak
word.
Grondbestuur
Monokultuur kan die plaaslike ekosisteem beïnvloed en dit is dus beter om
eerder wisselbou te beoefen. Die natuur hou niks van monokultuur nie:
as ’n mens natuurlike plant- en dieromgewings ondersoek, sal jy ’n groot
verskeidenheid spesies vind. Indien een spesie begin oorheers, sal die een
of ander gebeurtenis, plaag of siekte waarskynlik ontwikkel om dit uit te
skakel. Die mens het tot op hede daarin geslaag om hierdie wet te trotseer
deur die toepassing van al hoe sterker chemiese beheermetodes, maar die
plae (veral die virusse wat vinnig evolueer) pas baie vinnig aan om elke nuwe
soort chemikalie te weerstaan. Chemici is vandag net ’n kortkop voor die
siekteplae.
Die toediening van kunsmis vereis goeie kennis van grond, omdat
oortoediening die gehalte van die grond kan verswak. Die langtermyngebruik
van kunsmis in een area kan ook negatiewe gevolge hê en daarom behoort
meer natuurlike metodes gevolg te word om die grondgehalte te herstel.
Gronderosie is ook ’n omgewingsgevolg wat met swak landboumetodes
verband hou.
Stof
Sommige onkruid- en plaagdoders bly in die boonste grondlaag en die
stof wat tydens verbouing ontstaan, dra dit maklik oor op kwesbare en
eetbare gewasse. Die teenwoordigheid van stof op plante (naby paaie, ens.)
bevorder die aanpak van skubbe en rooimyte op katoen, sitrus en ander
gewasse.
Die produksie van soliede afval
Die afval op plase wat kommer wek, is die gevaarlike afvalstowwe. Dit is
wel nie in baie groot hoeveelhede nie, maar hul uitwerking op die omgewing
noodsaak beter bestuur. Plastiek- en PVC-afvalprodukte is nie noodwendig
gevaarlik nie, tensy dit teen lae temperature verbrand word. Fluoorligbuise
bevat kwik en word as gevaarlike afvalprodukte beskou. Gebruikte batterye
is ook gevaarlike soliede afvalprodukte op plase (veral by werkers se huise)
en kan groot hoeveelhede beloop. Al hierdie afvalprodukte verg omsigtige
omgewingsbestuur.
Algemene (lae-/nie gevaarlike) soliede afvalprodukte wat in die opstal,
asook in werkers se huise en kampe geproduseer word, is nog ’n belangrike
omgewingsbestuurskwessie, hoofsaaklik weens die volumes waarvan
ontslae geraak moet word. In talle landelike gebiede waar plase geleë is, is
die munisipale stortingsterreine so ver dat dit nie ekonomies uitvoerbaar is
om van soliede afval ontslae te raak nie. Die verbranding van huishoudelike
afval en informele grondopvulling en terreinstorting is baie algemeen. Dit
hou egter potensiële omgewingsprobleme in wat aangespreek moet word.
Die verbranding van plastiek en polistireen moet vermy word en terreine
waar afvalstowwe begrawe word, moet ver van omgewingsensitiewe
gebiede gevestig word. Gevaarlike afvalstowwe moenie informeel
verbrand of begrawe word nie. ’n Groot gedeelte van soliede afvalstrome
kan beperk word deur die gebruik van verminderings-, hergebruiks- en
herwinningsopsies.
Dit is noodsaaklik om afvalstrome reeds by die oorsprong te skei sodat
afvalstowwe en -produkte beter bestuur kan word.
Bron: Claire Janisch. Kontak haar by [email protected]
6. Publikasies en webtuistes
Manure Handling in Intensive Animal Production Units in South Africa geskryf
deur H.T. Breedt, geredigeer en hersien deur F. Cilliers. Outeursreg. 2009.
Skakel 012 842 4000 of e-pos [email protected] om ’n afskrif van die
LNR in Silverton te bekom.
Die Kode van beste praktyk vir wolskaapboerdery in Suid-Afrika uitgegee deur
die Nasionale Wolkwekersvereniging (NWKV) sluit aantekeninge in oor
afvalbestuur asook ander inligting. Kry die dokument op www.nwkv.co.za.
Managing Our Natural Resources William G. Camp; Betty Heath-Camp,
ISBN: 9781428318687, April 2008. Die opgedateerde, vyfde uitgawe van
hierdie inleidende boek gee ’n oorsig van die breë terrein van natuurlike
hulpbronbestuur, en strek van bosbou en luggehalte, tot wildlewebestuur en
die bestuur van soliede afval. Nuwe gevallestudies ondersoek die werklike
lewe-vraagstukke wat huidiglik in natuurlike hulpbronbestuur aangetref
word.
Water & Sanitation Africa – complete water resource and wastewater
management. ’n Tweemaandelikse tydskrif van 3S Media. Skakel 011 531
3300 of besoek www.3smedia.co.za.
• Besoek die webtuistes van maatskappye en organisasies wat onder
opskrif 4 genoem word, waarvan sommige nasionale en internasionale
skakels bevat.
• Lees oor die South African National Waste Management Strategy
Implementation Project by www.nwmsi.co.za.
• Kry verskeie dokumente (byvoorbeeld riglyne vir die gebruik van
landbouslyk en gryswater op kleinskaalse landbou ens.) op die
webtuiste van die Waternavorsingsraad, www.wrc.org.za.
• Toxipidia is ’n vry toksilogie ensiklopedie. Gaan na www.toxipedia.org
• www.ewasteguide.info - E-afval kan meer as eenduisend verskillende
stowwe bevat waarvan baie toksies is. In 2011 het die United National
Environment programme(UNEP) geraam dat die vlak van e-afval wat
wêreldwyd vervaardig word veertig miljoen ton per jaar is
• ’n Aantal referate oor afvalbestuur is op www.goatconnection.com
beskikbaar, bv. Manure management and the potential for fly, odour, and
water-pollution problems.
• Die “dokumentbiblioteek” by www.dwa.gov.za bevat onder meer
inligting oor beleidvorming en regsaspekte rakende