Tanzimat’tan Cumhuriyet’e Defterhâne-i Hakanî
4-
Arazi-i mahlûlâtdan bedel-i mu’acceli ve ferâğ ve intikâlâtında dahi harâc-ı
mu’tâdı alınacağı misillü müceddeden verilecek sened içün dahi masrafı mukâbili olarak üç guruş kağıd bahâ alınması ve bunlardan beher mâh ne mikdâr hâsılât olur ise vergi cedvellerine
idhâl ile mal memurları taralarından hülâsalarının cânib-i hazîne-i celîleye takdîm ve irsâl olunması ve fakat ferağ ve intikâl harçları nısılarının kazâ müdürlerine verilmesi
5-
Kânûn-ı kadîmde bilâ veled zükûru fevt olan kesânın arâzisi kızına meccânen
intikâl etmediği misillü anadan oğluna dahi meccânen tarla intikâl etmeyib fakat mezbûrlar
müstehakk-ı tapu olduklarından tapu-yı misl ta’biriyle tefvîz olunmakda ise de kâfe-i ahâli hakkında mebzûl olan merhamet-i seniyye iktizâsınca bu dahi bir inâyet-i cedîde-i aleniye olmak
üzere bundan böyle arâzi-i mîriyeye mutasarrıf olan kimse fevt oldukda ol arazi musakkafâtı evkâfda câri olduğu misillü mutlakâ evlâdına ale’s-seviyye intikâl etmek ya’ni mutasarrıf olan baba yahûd ana fevt oldukda tasarrufunda bulunan tarla ve bağ ve çayır her ne ise oğluna ve kızına meccânen ve müte