anı katına çabayedim. Alay a men bileyedim da; ol zaman, anı hurcununda asırağan kümüş sağatın kurğan zamanı edi. Eşik allında catma tübnü kölekgesinde kesine ençi keng ağaç şindigine olturğan Okup atam, sagat 12 ' ge kelgenley bir kesek daha artına tayanıb, gitce kökürek hurcunundan ol cım-cım cıltırağan kümüş sağatın çığaruvçan edi. Bu işni ete turuv bet türsününden anı üçün '' Zaman '' nı kalay bağalı bolğanın, kim bolsa da anglar edi.
Ol hurcun sağatını töpbesinde uzun sıncırnı tuthan hırçığın '' cır-cır '' dep arı bla beri burup tebrese anga ullu seyir etip karağanımı esgerib;
-Bugün de sen kururğa izleymise kızçığım?.. dep soruvçan edi. Men de kuvanç bolub anı katına kısılıp, kururğa küreşsem de etalmay ızına berüvçen edim. Ol kümüş sağatnı kıyırında oyuvla da, üsündegi ol tren surat da bugün de esimde turğanı kart atamı sabiy cüregimde cerini terenligini belgisidi.
'' Zaman ''... devçen edi, '' Caşavda bek bağalıdı, kaçan da kuruvlu tutarğa kerekdi. Zamannı kurğannı başhalağa koysa adam, ol zaman anı tül, başhalanıkıdı ''
Men anglap koyalmayedim o sağatda...
Endi seni anglayma atam, cathan ceringde tınç cukla canım. Endi bizde zaman kurulmay kesi allına barğanlıkga men dijital sağatımı üsüne seni sözleringi kurama. Bir kün keç kalama kesime, bir karasam ozub keteme kesimden. Alay a, sen aytğan har söznü men kurama zamannı üsüne...
DİJİTAL ZAMAN Ay, ötüb ketgen zaman! kesi allına barasa? sen kayrı asırağansa, bir ayt; ol sabiylikde minip uçhan bulutlarımı?-süyrep eltgen eding, Ziyarat tavnu artı bla.---------- zaman--------- zaman------- ahır zamandasa, endi sen djital bolup boşağansa, kurulmaydı sende tüşle, caşavdan tas bolğandıla tohtap bir tıngla; sen bizden biz senden haparsız bügün men, akgamı kümüş sağatın kurğanma sen barmak ızlarımı alıp cazğan okyanusda boş izleyse, meni cürek ızlarım taş hunanı içine asıralıbdı ne bek izleseng de sen alanı, tabalmazsa...!
63