'' Şiyir caşavnu kesi içinden kuralıp keledi har kuru da. Bu kısha haparçık bla da anı belgeleyik....''
KART ATAMI KÜMÜŞ SAĞATI
Sabiyleni barı da meniça bek süyemidi bilmeyme amma men kart atama hayran bir sabiy edim; anı üretgenleri kaçan da esimde turadı. Bügün Wayne ' de işime cetişeme deb, guzabayedim de kolumdağı sagatğa karağanım bıla kart atam entda bir esime tüşgendi. Nek bolganın sizge de aytayım. Kartlarıbız bla biz, bir keng arbaznı içinde eki üyür bolup caşayedik. Sabiyligimi em aruv esgerüvleri de ol arbaznı içinde asıralıbdı. Ol künleni üsünden köb cılla ozğandı. Ol men tuvup-ösgen gitce taş üyçük bısağatta kalaydı, kabırğaları oyulup tögülgenmidi, caz kelgenley entda karılgaçla çırdını tübüne uya etemidi, ol taş hunalanı tübünde entda papatyala, babatcala çagamıdı bilmeyme, alay a bilgenim; ol keng arbazda da, men ösgen tiyreni oramlarında da, endi çırt bir sabiy tavuşnu da eşitilmegeni...
Sabiyligimde karnaşlarım, egeçlerim, atam, anam, atamı anası-atası, karnaşları bla bir ullu, tolu üydegi bolub caşayedik. Ol arbaznı içinde, tohtamazdan bir caşav dıgalası barğanlıkga, biz sabiyle, kesibizge ençi oyunla kuray bek tatlı caşayedik. Ol künle kaçan esime tüşse kart anamı otcağada bişirgen ol gırcın iyisle ma bügün de burnuma keledi. Esimden ketmegen dağıda bir zat; '' Oyun üyçügüm!''.
Ol oyun üyümle canım bir edi. Kışdan çığa turuv, künle cılına tebregenley men üyçügümü kurab tebreyedim. Suv böçgeleni töngeretib arbaznı bir müyüşüne süyeyedim, ızı bla da üsüne kangalanı töşeb başın cabayedim. Üyden cıyğan castıkçıklanı içine töşeb üynü için casayedim. Boyum tengli ol üyçükde ma alay gor bolub oynab turuvçan edim. Kart atam, manga kengden karab, ışara:'' Meni kızım ullu bolsa mimar bollukdu, tiymegiz, etmege koyuğuz '' devçen edi.
Okub atam, kısharak boylu, cayda kışda başından fötür börkün tüşürmegen, kereksiz söz söleşmegen, sabiyliginde okuğanların ma ol künça akılında tutabilgen, hıysablı, bilimli, har nede da kesine bazğan, köp işlegen, zakiy, sözüne kaçanda bağa berilgen akıllı bir insan edi.
Künorta azannı tavuşun eşitgenley, gincilerimle etgen uşağımı cartı koyup,
62