Contemporary Eurasia VI (2) Contemporary Eurasia VI (2) | Page 82
ՀԱԿԱՄԱՐՏՈՒԹՅՈՒՆՆԵՐԻ ԿԱՐԳԱՎՈՐՄԱՆ ՄԻՋԱԶԳԱՅԻՆ ՓՈՐՁԻ …
են, ինչը կարող է դրական ազդեցություն ունենալ հնարավոր
համաձայնությունը կյանքի կոչելու հարցում։
Կոսովոյի հակամարտության կարգավորման գործըն-
թացի դիտարկումը հնարավորություն է տալիս եզրակացու-
թյուններ անելու միջազգային ուժերի ակտիվ և ուղղակի ներ-
գրավմամբ հակամարտության կարգավորման արդյունավե-
տության վերաբերյալ և դուրս բերելու այն հիմնական խնդիր-
ները, որոնք լուծել չի հաջողվում նույնիսկ այդ դեպքում։
Կարգավիճակի որոշման հարցում Կոսովոյում որոշիչ
ազդեցություն է ունեցել միջազգային հանրությունը, մասնա-
վորապես ՆԱՏՕ-ի մեծ աջակցությունը։ Կոսովոն միակողմանի
հռչակել է իր անկախությունը՝ համաձայնության չգալով Սեր-
բիայի հետ, ինչին հասել է միջազգային հանրության աջակ-
ցությամբ և ճանաչվել է ՄԱԿ-ի անդամ 100-ից ավելի երկրների
կողմից 6 ։ Կոսովոյում ալբանական պետության ստեղծումը
պայմանավորված էր արտաքին ուժերի գործողությամբ, ինչի
օրինականացման փորձ կատարվեց այն երկրների կողմից,
որոնք ճանաչեցին Կոսովոյի անկախությունը։ Նախքան
ՆԱՏՕ-ի միջամտությունն ալբանացիները փոքրամասնություն
էին կազմում Հարավսլավիայի Դաշնային Հանրապետության
անկման հետևանքով առաջացած Սերբիայի Հանրապետու-
թյունում։ ՆԱՏՕ-ի միջամտությունից հետո ալբանացիները մե-
ծամասնություն կազմեցին Կոսովոյում, որտեղ սերբերը դար-
ձան փոքրամասնություն 7 ։ Ղարաբաղյան հակամարտության
պարագայում անկախության հռչակումը, չնայած իրավական
հիմքերին, ոչ միայն չի ստացել միջազգային աջակցություն,
այլև հանգեցրել է ֆիզիկական գոյության սպառնալիքի՝ ի դեմս
Ադրբեջանի սանձազերծած պատերազմի։
Կոսովոյի, ինչպես նաև Կիպրոսի հակամարտության պա-
րագայում կարևոր դերակատարում է ունեցել այն հանգաման-
6
7
Countries that have recognized Kosovo as an independent state,
http://beinkosovo.com/en/countries-that-have-recognized-kosovo-as-an-
independent-state
Խարալամբիդիս Յ., Տրոյական պատերազմը և «Պրահայի հախճա-
պակին». Կիպրոսի, Լեռնային Ղարաբաղի և Կոսովոյի հակամարտու-
թյունների համեմատական վերլուծություն, «21- րդ ԴԱՐ », թիվ 2 (54),
2014 թ ., էջ 32։
82